इलाम। किराँतीहरुको महान पर्व ९उद्यौली० चासोक तङनाम र तमु ल्होसारको अवसरमा इलाम नगरपालिका ५ बिब्ल्याँटेमा पुरुष तथा महिला फूटबल प्रतियोगिता हुने भएको छ । आउँदो पुष ७ देखि १३ गतेसम्म हुने प्रतियोगिताको पुरुषतर्फ १६ र महिलातर्फ ४ टिमको सहभागिता रहनेछ । हेलिबोथ फूटबल क्लब बिब्ल्याँटेको आयोजनामा हुने प्रतियोगितामा पुरुषतर्फको बिजेताले ५० हजार १ र उपबिजेताले २५ हजार १ रुपेंयाँ सहित ट्रफि, मेडल र प्रमाणपत्र प्राप्त गर्नेछ ।
यस्तै महिलातर्फको बिजेताले १५ हजार १ र उपविजेताले १० हजार १ रुपेंयाँ सहित ट्रफि, मेडल र प्रमाणपत्र प्राप्त गर्नेछ । यस्तै बिभिन्न बिधागतमा पनि उत्कृष्ट खेलाडीहरु पुरस्कृत हुनेछन् । पुष ४ गतेसम्म टिम दर्ता गर्नुपर्नेछ । पुरुषतर्प टिम दर्ता गर्दा ४ हजार रुपेंयाँ लाग्नेछ भने महिलातर्फ दर्ता शुल्क नलाग्ने जिल्ला फूटबल संघका उपाध्यक्ष एवं आयोजक समितिका फत्र लिम्बूले जानकारी दिनुभयो । राम्रो खेल कौशल भएर पनि अवसर नपाएर बसेका खेलाडीलाई उजागर गर्ने उद्येश्यले पनि क्लबले फूटबल प्रतियोगिता गर्दै आएको छ । हाम्रो गोल, दुब्र्यसनबिरुद्धको बाmे भन्ने नाराका साथ आयोजक हेलिबोथ फूटबल क्लबले हरेक बर्षे चासोक तङनामको अवसरमा फूटबल सहित अन्य खेलकुद तथा राष्ट्रिय कलाकारको साथमा साँस्कृतिक कार्यक्रम गर्दै आएको छ ।
क्लबले फूटबल प्रतियोगिता संगै साँस्कृतिक कार्यक्रम समेत गर्नेछ । चासोक तङनाम बिषेश साँस्कृतिक कार्यक्रम भने पुष १५ गतेहुनेछ । कार्यक्रममा राष्ट्रिय कलाकारहरु ज्योती मगर र अस्मिता अधिकारीको प्रस्तुती रहनेछ भने स्थानीय कलाकारमा बिजय मुकारुङ, मन थुलुङ र सुबरा वाङदेलले प्रस्तुती रहनेछ । साथै स्थानीय डान्स सेन्टरका कलाकारहरुको नृत्य समेत रहने आयोजकले बताएको छ ।
