इलाम । इलाम निर्वाचन क्षेत्र नम्बर दुईमा आगामी वैशाख १५ गते हुने उपनिर्वाचनका लागि शनिवार विभिन्न राजनैतिक दल र स्वतन्त्र उमेद्धारहरुले मनोनयन पत्र दर्ता गरेका छन् ।
विभिन्न १२ वटा राजनैतिक दलका उम्मेदवार र स्वतन्त्र आठ जनाले गरी जम्मा २० जनाले उमेद्धारी दर्ता गराएका हुन् ।
नेकपा एमालेका सुहाङ नेम्बाङ्ग, नेपाली काँग्रेसका डम्बर बहादुर खड्का, राष्ट्रिय स्वतन्त्र पार्टीका तर्फबाट मिलन कुमार योङ्गहाङ्ग लिम्बु, नेकपा एकीकृत समाजवादीका जीत बहादुर राईले आ आफ्नो मनोनयन पत्र मुख्य निर्वाचन अधिकृतको कार्यालयमा दर्ता गराएका हुन् ।
यस्तै, राष्ट्रिय प्रजातन्त्र पार्टीका लक्ष्मी गुरुङ, जनमत पार्टीका प्रेम कुमार थाम्सुहाङ्ग, नेपाल मजदुर किसान पार्टीका श्याम नेपाली मङ्गोल नेशनल अर्गनाइजेसनका मणि कुमार लिम्बु, राष्ट्रिय प्रजातन्त्र पार्टी नेपालका गणेश बहादुर चौहानले उमेद्धारी दर्ता गराएका छन् ।
राष्ट्रिय मुक्ति आन्दोलन नेपालका जयवन्त विक्रम शाह, नेशनल रिपब्लिक नेपालका धनराज राना मगर, नेपाली जनता दलका रेसम
उनलाई राष्ट्रिय जनमुक्ति पार्टी, जनता समाजवादी पार्टी र नेपाल समाजवादी पार्टीले समर्थन गरेका छन् ।
उपनिर्वाचनमा एमालेका उमेद्धार सुहाङ नेम्बाङ्गलाई नेकपा माओवादी केन्द्रको समर्थन रहेको छ ।
डाक प्रसाद गौतम, मनोज निरौला (प्रदीप) अर्जुन बहादुर शाही, केशव कुमार चापागाईँ, दिनेश बोहोरा, योगेन्द्र गुरुङ, राज बस्यालले स्वतन्त्र उमेद्धारको रूपमा मनोनयन पत्र दर्ता गराएका छन् ।
मनोनयन पत्र दर्ता गर्न विभिन्न राजनैतिक पार्टीका शीर्ष नेताहरू समेत र्यालीमा सहभागी भई मुख्य निर्वाचन अधिकृतको कार्यालयमा आइपुगेका थिए ।
पूर्व प्रधानमन्त्री एवम् नेकपा एकीकृत समाजवादीका सम्मानित नेता झालनाथ खनाल, श्रम तथा रोजगार मन्त्री डी पी अर्याल, नेपाली काँग्रेसका सहमहामंत्रीद्धय भीष्मराज आङदेम्बे, बद्री पाण्डे, कोसी प्रदेशका आन्तरिक मामिला तथा कानुन मन्त्री शमशेर राई, पूर्व मुख्यमन्त्री हिकमत कार्की लगायतका नेताहरूको आ आफ्नो दलको उमेद्धार मनोनयन पत्र दर्ता क्रममा सहभागिता रहेको थियो ।
