काठमाडौं १ भदौ । नेपाली राष्ट्रिय क्रिकेट टोली र पपुवा न्युगिनी एक आपसमा एकदिवसीय सिरिज खेल्ने भएको छ । भदौ २० र २३ गते ओमानमा पपुवा न्युगिनीसित दुई एकदिवसीय खेल खेल्न लागेको कुरा नेपाल क्रिकेट संघ (क्यान) ले जानकारी गराएको छ ।
आईसीसी विश्वकप क्रिकेट लिग–२ अन्तर्गत खेल खेल्नु अधि नेपालले पपुवा न्युगिनीसँग दुई खेल खेल्ने तय भएको छ । आईसीसी विश्वकप क्रिकेट लिग–२ का लागि नेपालले ओमान र अमेरिकासित त्रिकोणात्मक एकदिवसीय सिरिज आगामी सेप्टेम्बरमा खेल्ने क्यानले जानकारी दिएको छ ।
उक्त सिरिजका लागि अहिले नेपाली टोली बन्द प्रशिक्षणमा छ । बन्द प्रशिक्षणमा १९ खेलाडी सहभागी समावेस छन् । कप्तान ज्ञानेन्द्र मल्ल, कुशल भुर्तेल, आशिफ शेख, आरिफ शेख, कुशल मल्ल, दिपेन्द्रसिंह ऐरी, गुलशन झा, विनोद भण्डारी, करण केसी, सन्दीप लामिछाने, सोमपाल कामी, कमलसिंह ऐरी, अविनाश बोहरा, शाहब आलम, सुशन भारी, शरद भेषवाकर, विक्रम शोब, पवन सर्राफ र रोहितकुमार पौडेल सहभागी छन् ।
विश्वकप लिग–२ मा नेपाल सँगै समूहमा पपु्वा न्युगिनी, ओमान, अमेरिका, स्कटल्यान्ड, नामिबिया र युनाइटेड अरब इमिरेटस् (युएई) रहेका छन् । लिग–२ अन्तर्गत नेपालले ओमान र अमेरिकासँग चार खेल खेलेसँगै दुई जित र दुई हारका साथ चार अङ्क जोड्दै छैटौँ स्थानमा छ ।
शीर्ष स्थानमा रहेको ओमानले १० खेल खेलेको छ, जसमा आठमा जीत र दुईमा हार बेहोर्दै १६ बटुलेको छ । अमेरिकाले १२ खेलखेल्दा १२ अङ्क जोड्दै दोस्रो स्थानमा छ अमेरीकाले ६ मा जित र ६ मा वेहोरेको थियो भने, स्कटल्यान्ड आठ खेलमा चारमा जित र तीनमा हारका साथ नौ अङ्क जोड्दै तेस्रो स्थानमा छ ।
सात खेलखेलेको नामिबियाले चारमा जित र तीनमा हार बेहोर्दै आठ अङ्कसहित चौथो स्थान बनाएको छ । सात खेलमा युएई तीनमा जित र तीनमा हार व्यहोर्दै सात अङ्क सहित पाँचौँ स्थानमा छ । युएई र ूकटल्यान्डले खेलेको एक खेले वर्षाको कारण रद्द भएको थियो । पपुवा न्युगिनी हालसम्म खेलेका आठवटै खेलमा खाता खोल्न सकेको छैन् पपुवा न्युगिनी अङ्कबिहीन बन्दै लिग–२ को पुछारमा रहेको छ । लिग–२ अन्तर्गत सन् २०२३ सम्म प्रत्येक टोलीले ३६ एकदिवसीय खेल खेल्ने छन ्।
२०२३ मा भारतमा आयोजना हुने एकदिवसिय विश्वकपका लागि लिग–२ शीर्ष तीन टोली ग्लोबल छनोटमा स्थान बनाउने छन् । ग्लोबल छनोटमा स्थान बनाउन नसक्ने चार टोलीले प्लेअफ खेल्ने छन् ।
