एजेन्सी २३ साउन । सुन्दरताको हिसाबले हेर्नहो भने अहिले इरानी महिलाहरु ऋग्रस्थानमा पर्छन् । के छ सुन्दरता को रहस्या ? सुन्दरता भनेको के हो ? आकर्षक के हुन् ? यि र यस्ता कुरामा सबैको मन मत मिल्छ भन्ने छैन । भूगोल र समुदाय अनुसार सुन्दरताको मापन मा पनि भिन्न भिन्नै हुनसक्छ । कुनै ठाँउमा कालो छाला मन पराइन्छ त, कतै गोरो । कतै पातलो ओंठलाई आकर्षक मानिन्छ, भने कतै मोटो ओंठलाई । यहाँ मान्छेको रुचि अनुसार सलक्क परेको केस र, कसैले कर्ली मन पराईन्छ ।
यद्यपी मानिसहरु झट्ट हेर्दा सौन्दर्यबाट मोहित हुन्छौं, त्यसमा अधिकांश मानिसहरुको मन मिल्छ । यसैको आधारमा सौन्दर्यको चर्चा गर्दा इरानी महिलाहरु अग्रस्थामा पर्छ । मुस्लिम बहुल भएको देश इरान भएकाले त्यहाँका महिलाको जीवन त्यती सहज भने छैन । यद्यपी सुन्दरताको कसीमा उनीहरुले विश्वका महिलाहरुलाई उछिन्छन् । झट्टहेर्दा आँखा, बान्की परेको अनुहार, शरीरको बनौटले उनीहरुतर्फ सबैको ध्यान खिचिन्छ ।
के छ त इरानी महिला सुन्दर हुनुको रहस्य ः
वंशानुगत गुणः इरानी महिला सुन्दर हुनुको कारण वंशानुगत गुणलाई दिइन्छ । अर्थात वंशानुगत रुपमै उनीहरु सुन्दर एवं आकर्षक अनुहार लिएर जन्मन्छन् । जन्मजात उनीहरुले सुन्दर अनुहार पाउँछन् ।
भौगोलिक प्रभावः इरानी महिला संसारभरकै सुन्दर मानिनुको कारण त्यहाँको भूगोल पनि हो भनिन्छ । वैज्ञानिक दृष्टिकोणले हेर्दा उनीहरु बाँचेको भूगोल र प्राकृतिकले यसमा खास भूमिका खेलेको छ ।
खानपानः इरानी महिला आकर्षक हुनुमा उनीहरुको खानपानले पनि काम गरेको छ । भनिन्छ, उनीहरु खानपानमा ज्यादै सर्तक छन् । इरानी महिला आकर्षक हुनुमा उनीहरुको जन्मजात गुण त छँदैछ, त्यसमाथि उचित खानपान नै हो ।इरानी महिलाहरुले आफ्नो डाइटमा माछा र ओखर सामेल गर्छन् । उनीहरु मह पनि नियमित रुपले सेवन गर्छन् । इरानी महिलाहरु विशेषगरी गहुँलाई पिनेर बनाइएको खाना ‘बल्गर’ खाने गर्दछन् । यसले अनुहारको छालाको चमकका साथै शरीरीक बनावटलाई नियन्त्रित गर्ने गर्दछन् ।
अनुहारको मसाजः इरानी महिला आफ्नो अनुहारलाई नरिवलको तेलले मसाज गर्दछन् । नरिवलको तेलले छालाको चमक बढाउँछ । जसका कारण बढ्दो उमेरको असर अनुहार दश भन्दा कम देखिन्छ । ओंठलाई सुन्दर बनाउनका लागि उनीहरु अनारको तेलको प्रयोग गर्छन् ।
गुलाबको पानीले अनुहार धुनेः इरानी महिलाहरु गुलाबको पानीले अनुहार धुने गर्छन् । खराब अनुहार सुन्दर बनाउन यसले राम्रो काम गर्छ । गुलाबको पानीमा भिटामिन ए र ई हुन्छ, जो स्वस्थ्य छालाको लागि एकदमै आवश्यक मानिन्छ । इरानकी एक मोडलले दिएको अन्र्तवार्तामा यो रहस्य खुलाएकी थिइन् ।
दही र पुदिनाको सेवनः उनीहरु धेरै भन्दा धेरै दही तथा पुदिनायुक्त पेय पदार्थ ‘शिनेना’को सेवन गर्दछन् । यसको सेवनले अनुहारको छाला तथा कपाललाई स्वस्थ राख्नुका साथै अनुहारमा चाउरीपना हुन दिदैन ।
सुप सेवनः इरानी महिला विशेषगरी, दही , तरकारी तथा मासुबाट बनेका सुपका सेवन अधिक मात्रामा गर्दछन् । यसले सौन्दर्य बढाउनुका साथै शरीरको तौलन नियन्त्रित रहन्छ । सर्जरीको साहाराःइरानी महिलाहरुमा प्लाष्टिक सर्जरीको क्रेज बढ्दो क्रममा छ । प्लाष्टिक सर्जरीकै कारण पछिल्लो समय उनीहरु आर्कषक देखिन थालेका छन् ।
