झापा । बाढी पहिरो, चट्याङ, आगलागी, जंगली जनवार, हावाहुरी जस्ता बिपद्का कारण कोशी प्रदेशमा एक वर्षभित्र ५७ जनाले ज्यान गुमाएका छन् भने अरबौं रुपैयाँको क्षति भएको छ ।
आर्थिक वर्ष २०७९र०८० मा कोशी प्रदेशका १४ जिल्लामा बिपदजन्य घटनाका कारण ५७ जनाले ज्यान गुमाएको कोशी प्रदेश प्रहरी कार्यालयका प्रहरी नायव महानिरीक्षक राजेशनाथ वास्तोलाले बताए ।
विपद्जन्य घटनाका कारण अघिल्लो आर्थिक वर्ष २०७८र०७९ मा ३४ जनाले ज्यान गुमाएका थिए । तर, आर्थिक वर्ष २०७९र०८० मा यो संख्या बढेर ५७ पुगेको हो ।
प्रदेश प्रहरी कार्यालयका अनुसार बाढी पहिरोका कारण कोशी प्रदेशमा २३ जनाले ज्यान गुमाएका छन् । अघिल्लो आर्थिक वर्ष यो अबधिमा ५ जनाले ज्यान गुमाएका थिए ।
यता चट्याङ्गका कारण आर्थिक वर्ष २०७९र०८० मा ९ जनाले ज्यान गुमाएका छन् । अघिल्लो आर्थिक वर्ष ६ जनाले ज्यान गुमाएका थिए । आगलागीका कारण आर्थिक वर्ष २०७८र०७९ वर्ष र आर्थिक वर्ष २०७९र०८० भित्र ज्यान गुमाउनेको संख्या ३० रहेको छ । आर्थिक वर्ष २०७८र०७९ र आर्थिक वर्ष २०७९ र०८० मा १५र१५ जनाले ज्यान गुमाएका हुन् ।
हावा हुरीका कारण पछिल्लो दुई वर्षमा कसैले पनि ज्यान नगुमाएता पनि आर्थिक वर्ष २०७७र०७८ मा एक जनाले ज्यान गुमाएको प्रहरीको तथ्याङ्कमा उल्लेख छ ।
विपद्जन्य घटनामा परी कोशी प्रदेशमा रहेक वर्ष अरबौं रुपैयाँको क्षति हुने गरेको पाइएको छ । आर्थिक वर्ष २०७९ र०८० मा मात्रै बाढी पहिरोका कारण पाँच अर्ब ३४ करोड, ७१ लाख, २५ हजार ४ सय रुपैयाँ बरावरको क्षति भएको हो ।
अघिल्लो आर्थिक वर्ष सो अवधिमा एक अर्ब ८० करोड ६५ लाख ६४ हजार १ सय ७० रुपैयाँ बरावरको क्षति भएको थियो । तर, आर्थिक वर्ष २०७९र०८० मा बाढीजन्य विपद्का कारण झण्डै पाँच गुणा बढी धनमालको क्षति भएको कोशी प्रदेश प्रहरी कार्यालय बिराटनगरले जनाएको छ । बाढीका कारण एक आर्थिक वर्षमा केशी प्रदेशमा तीन हजार ३८ घर समेत प्रभावित भए । बाढीका काण दुई हजार २ सय ८९ स्थानमा क्षति पुरयाएको थियो ।
त्यस्तै चट्याङ्का कारण पछिल्लो एक वर्षमा ९ जनाले ज्यान गुमाए । अघिल्लो आर्थिक वर्ष ६ जनाले ज्यान गुमाएपनि आर्थिक वर्ष २०७९ र०८० मा चट्याङ्का कारण ज्यान गुमाउनेको संख्या ९ पुगेको हो ।
चट्याङ्का कारण १९ घर प्रभावित भएका थिए भने ९८ लाख ७४ हजार मूल्य बरावरको क्षति भएको प्रहरीले जनाएको छ ।
अघिल्लो आर्थिक वर्ष ७ घर प्रभावित हुँदा १२ लाख ३२ हजार रुपैयाँ बरावरको क्षति भएको थियो ।
यता आगलागीका कारण आर्थिक वर्ष २०७९ र०८० मा १५ जनाले ज्यान गुमाएका छन् भने । एक अर्ब १३ करोड ८१ लाख ८८ हजार ७ सय ७४ रुपैयाँको क्षति भएको हो । अघिल्लो आर्थिक वर्ष २०७८र०७९ मा ७ करोड ७५ लाख तीन हजार ४ सय ९६ रुपौयाको क्षति भएको हो ।
जंगली जनावरको आक्रमणमा परी कोशी प्रदेशमा आर्थिक वर्ष २०७९र०८० मा १० जनाले ज्यान गुमाएका छन् । पूर्बका एक सय ५० स्थानमा जंगली जनावारको आक्रमणमा परी उनीहरुले ज्यान गुमाएका हुन् । आर्थिक वर्ष २०७८र०७९ मा समेत जंगली जनावरको आक्रमणमा परी ८ जनाले ज्यान गुमाएका थिए ।
पछिल्लो एक वर्षमा ९१ लख ३ हजार तीन सय रुपैयाँ बरावरको धनमालमा क्षति पुगेको प्रहरीको तथ्याङ्कमा उल्लेख छ ।यता हावाहुरीका कारण आर्थिक वर्ष २०७९ र ०८० मा १६ करोड १७ लाख ७० हजार
