इटहरी । नेपाली कांग्रेसले २०८४ को चुनाव एक्लै लड्ने नेपाली कांग्रेसका केन्द्रीय सदस्य आङगेलु शेर्पाले दाबी गरेका छ्न् ।
सुनसरीको निर्वाचन क्षेत्र १ स्थित धरानमा आज बुधबार आयोजित पार्टीको विशेष आन्तरिक अभियानमा सम्बोधन गर्ने क्रममा उनले यस्तो दाबी गरेका हुन् ।
२०८४ को चुनावका लागि सबै तहमा पार्टी एक्लै लड्ने बताए । शेर्पाले रास्वपालाई इंगित गर्दै प्रचारमुखी भएर लाग्दैमा अब केही नहुने जिकिर गरेका हुन ।
रुपान्तरण र नेतृत्व परिवर्तनको प्रावधान पार्टी विधानले नै तय गरेकोले कसैले नारा बनाउन आवश्यक नरहेको उनले उल्लेख गरे ।
संगठन निर्माण र विस्तारमा लाग्दै समयसापेक्षा नीति, जनजीविकासंँग जोडिएका एजेण्डाहरु सम्बोधन गर्दै पार्टीलाई थप जनमुखी बनाउन जरुरी बताए ।
उनले नीतिगत अस्पष्टतालाई मंसिरमा हुने महासमिति बैठकले प्रष्ट पार्ने जानकारी दिए । यसैबिच सोही कार्यक्रम उनले डेङु रोग र लम्पी स्किन रोगको बारेमा सरकारले सम्बोधन गर्नु पर्ने कुरामा जोड दिए ।
उनले आफू तत्काल काठमाडौं गएर महामारिका रुपमा फैलिएको यस रोगका बारेमा सरकारमा गएका मन्त्री सङग कुरा गरेर सम्बोधन गर्ने समेत जिकिर गरेका छ्न ।
कार्यक्रममा प्रदेशसभा १(१) सभापति अनिल श्रेष्ठ,प्रदेशसभा १(२) सभापति मुरारी भट्टराई,नगर सभापति श्याम पाेखरेल, नेपाली कांग्रेसका सुनसरी जिल्ला सभापति केदार भण्डारी, क्षेत्रीय सभापति सुजेन्द्र तामाङ, नेपाली काङ्ग्रेस कोसी प्रदेश महामन्त्री उमेस थापा,पुर्ब साम्सद सिताराम मेहता लगायतले पार्टीको गतिविधिबारे चर्चा गरेका थिए
