धनकुटा । नेपाली कांग्रेस धनकुटाका नेता ध्रुवराज रायाले आन्तरिक चुनावमा गुटगत प्रतिस्पर्धा गर्दा पार्टी कमजोर हुने भन्दै उनले सम्भव भएसम्म सहमतिबाटै नेतृत्व चयन गर्नुपर्ने बताएका हुन् ।
धनकुटाको महालक्ष्मी नगरपालिकाका कांग्रेस नगरसभापति समेत रहेका नेता रायाले एकताको महाधिवेशन गरेर कार्यकर्ता र जनतामा नयाँ सन्देश दिनुपर्ने बताएका छन् ।
कांग्रेस प्रति जनताको आशा र भरोसा बढेकाले आफु आफुमा गुटगत प्रतिस्पर्धा गरेर जनभावना विपरितको सन्देश दिन नहुने उनले बताएका छन् ।
नेता रायाले एकताको महाधिवेशन सम्पन्न गर्नुपर्छ भन्दै आन्तरिकरुपमा हुने गुटगत प्रतिस्पर्धाको निर्वाचनले पार्टीलाई कमजोर बनाउने बताउछन् । मिडिया सँगको कुराकानीमा उनले भने, ‘स्थानीय, प्रदेश र संघिय निर्वाचन निकट छ त्यसैले यो बेला सहमतिमा नेतृत्व चयन गरेर अघि बढ्नुको विकल्प छैन ।’
नगरसभापतिमा दावी
संघियता लागु भएपछि आफुले पार्टीको जिम्मेवारी सम्हालेर कांग्रेस बलियो बनाएको तर्क गर्दै नेता रायाले महालक्ष्मी नगरसभापतिमा पुनः दावी गरेका छन् ।
उनले एक कार्यकाल पुनःसभापति भएर फेरी महालक्ष्मीमा कांग्रेसको बर्चस्व कायम गराउने उनको धारण रहेको छ ।
उन्ने भने ‘साह्रै कमजोर अवस्थाको पार्टीलाई निकै बलियो बनाएको छु । अब बर्चस्व कायम गराउने र चुनाव जित्ने परिस्थितमा पुर्याउन फेरि सभापतिमा दावी गरेको छु ।’
‘सहमतिमै सभापतिको जिम्मेवारी पाउँछु यदि त्यसो नभए बहुमत कार्यकर्ताको मत जितेर आउँछु ।’ उन्ले भने ।
हरेक समाजीक कार्यामा आफूले पक्ष विपक्ष नभनी निरन्त काम गरेकाले आफ्नो उमेद्वारी बलियो रहेको उनको उनको भनाई छ । उनले युवा तथा कार्याकर्ता व्यवस्थापन देखि स्वरोजगार र दिगो विकासमा जस्ता मुल ऐजण्डामा अग्रसरहरी काम गरेको उनले बताए ।
२०५१ सालमा देखि नेपाली कांग्रेसको क्रियाशिल सदस्यता लिएका रायाले २०५६ तरुणदल धनकुटा जिल्ला कार्यसमिति सदस्य बनेका थिए । स्थानीय तहको निर्वाचनमा महालक्ष्मी नगरपालिका वडा नंबर २ मा नेपाली कांग्रेसबाट वडाअध्यक्षमा निर्वाचित समेत भएका थिए ।
कांग्रेसको संघिय संरचना अन्तरगत नगरपालिकामा पार्टी सभापतिको भूमिकामा रहेका राया सभापतिमा मा अर्का नेता परिर्वतन पौडेल संग प्रतिस्पर्धा गर्ने छन् ।
