कैलाली । ईलाका प्रहरी कार्यालय, टीकापुरको हिरासतभित्रै एक पुरुष मृत भेटिएका छन् ।
प्रहरी चौकी तोरैयाँपुरले आइतबार पक्राउ गरेर टीकापुरलाई बुझाएका ३५ वर्षीय धनबहादुर रानामगर सोमबार बिहानै झुन्डिएको अवस्थामा मृत फेला परेका हुन् ।
हिरासत कक्षभित्र रहेको शौचालयको भेन्टिलेसनको जाली च्यातिएको र झ्यालको सरियामा सेतो स्याण्डोको डोरी बनाई घाँटीमा पासो लगाएको अवस्थामा शव भेटिएको ईलाका प्रहरी कार्यालय टीकापुरले जनाएको छ ।
घटनाको अनुसन्धानका लागि जिल्लाबाटै एसपीको कमान्डमा टोली आइरहेको र मृतकका आफन्त सुर्खेतबाट आइरहेका छन् ।
आफन्त पुगेपछि मात्र शवबाहिर निकालिने टीकापुरका प्रहरी नायव उपरीक्षक (डिएसपी) प्रकाश सापकोटाले बताउनुभयो ।
गाउँमा भैंसी चोरेर लाँदै गरेको अवaस्थामा प्रहरीले उनलाई पक्राउ गरेको थियो ।
