इटहरी । नेपाली कांग्रेसको १४ औं महाधिवेसन अन्तर्गत सुनसरीको जिल्ला पदाधिकारी लागि भएको मतदान सम्पन्न भएको छ ।
जिल्ला सदरमुकाम इनरुवामा भएको निर्वाचनमा निर्धारित समय भन्दा केहि ढिला गरि सुरु भएको मतदान साँझ ६:१५ मा सम्पन्न भएको हो ।
सुनसरीका चारवटै निर्वाचन क्षेत्रबाट चुनिएका दुई हजार नौ सय अठार जना मतदाता मध्ये सत्ताइस सय चौहत्तरले मतदान गरेको निर्वाचन अधिकृत उत्तम पौडेलले नीति सञ्चारलाई बताए ।
सुनसरीका चार वटा निर्वाचन क्षेत्रका प्रदेश स्तरका आठ वटा उपक्षेत्रलाई आधार बनाएर मतदानको ब्यबस्था गरिएको मतदान अधिकृत पौडेलले जानकारी दिए । उनका अनुसार सुनसरी निर्वाचन क्षेत्र नम्बर १ (क) का लागि निर्धारण गरिएको मत पेटिकामा बर्जु र हरिनगराको केहि मत सहित कुल ४४० मत खसेको छ ।
त्यसैगरी, निर्वाचन क्षेत्र नम्बर १ (ख) का लागि तोकिएको मत पेटिकामा कुल २६८ मत खसेको छ । निर्वाचन क्षेत्र नम्बर २ (क) मा ३०३ मत खसेको छ भने २(ख) मा ४५३ मत खसेको छ । निर्वाचन क्षेत्र नम्बर ३(क) मा ३४८ मत खसेको छ भने ३(ख) मा ३१८ मत खसेको छ । निर्वाचन क्षेत्र नम्बर ४(क) मा ३०६ मत खसेकोमा ४(ख) मा ३३८ मत खसेको पौडेलले जानकारी दिए ।
उनका अनुसार मत परिणाम राति १० बजे पछि कांग्रेस सुनसरीको जिल्ला कार्यालयमा हुने छ ।
मतदान स्थलका तस्वीरहरु :
