काठमाडौं । प्रदेश सभा एकमा नेपाली काङ्ग्रेसबाट सांसद रहेकी नवोदिता चौधरीले कांग्रेस केन्द्रीय सदस्यमा उम्मेदवारी दिएकी छन् । नेपाली कांग्रेसको १४ औं महाधिवेशनमा नेतृ चौधरीले केन्द्रीय सदस्यमा उम्मेदवारी दिएकी हुन् ।
चौधरीले थारु कोटाबाट केन्द्रीय सदस्य पदकालागि उम्मेदवारी दिन लागेकी हुन् । सुनसरी क्षेत्र नं. २ बाट प्रदेशसभामा प्रतिनिधित्व गर्ने चौधरी पूर्वसांसद तथा राजनीतिज्ञ नरेन्द्र चौधरीकी छोरी हुन ।
यसअघि पहिलो संविधानमा संविधान लेखनमा समेत सक्रिय चौधरीले प्रदेश १ संसदमा पनि सक्रिय भूमिका निर्वाह गरेकी छन् । संविधानसभामा नेतृ चौधरीले संसदको सांस्कृतिक तथा सामाजिक ऐक्यबद्धताको आधार निर्धारण समिति अन्तरगतको एउटा समितिमा सभापति भएर कार्य गरेकी थिइन् । उनको नेतृत्वमा उक्त समितिले संविधानका भाषिक कुराहरु निर्धारण गरेपछि मात्रै संविधान लेखनको कार्य अगाडी बढेको थियो । संविधानसभामा बाताबरण संरक्षणका विषय र विशेषगरि चुरे संरक्षणका विषयमा समेत महत्त्वपूर्ण निर्णय गराउन उनले भुमिका खेलेकी छन।
प्रदेशसभामा नेतृ चौधरीलाई विषयगत ज्ञान भएकी स्पष्ट वक्ताका रुपमा परिचित छन् । चौधरी सांसदहरुको बजेट व्यवस्थापनमा समेत उत्कृष्ट भएकी थिइन् । सांसदहरुलाई स्थानीय तहमा दिइने बजेट ब्यवस्थापनमा चौधरीले उदाहरणीय कार्य गरेकी छन् ।
त्यसो त, नेतृ चौधरी पार्टीभित्र पनि लोकप्रिय नेतृका रुपमा परिचित छिन् । नेपाली कांग्रेसलाई एकताबद्ध बनाएर पार्टीमा युवा सहभागीता जुटाउनकै लागि आफुले १४ औं महाधिवेशनमा केन्द्रीय सदस्यमा उम्मेदवारी दिएको उनले बताइन् ।
‘अहिले नेपाली कांग्रेस भित्र पुस्तान्तरणको बहस चलिरहेको अवस्थामा मैले युवा सहभागिता, समावेशिता र गुटरहित राजनीति स्थापित गर्न आफ्नो उम्मेदवारी घोषणा गरेकी हुँ ।’ आउँदो निर्वाचनमा पार्टीलाई बहुमत ल्याउने गरी काम गर्न पनि नयाँ पुस्ता नेतृत्वमा जानुपर्ने चौधरीको धारणा छ ।
