काठमाण्डौं । आइसिसी टी–२० विश्वकप छनोटमा नेपाल सेमिफाइनलमा पुगेको छ । समूह–१ को विजेता भन्दै नेपाल अन्तिम चारमा पुगेको हो ।
नेपालले सेमिफाइनलमा भोलि युएईसँग प्रतिस्पर्धा गर्नेछ । युएई सोमबार समूह–२ को उपविजेता बन्दै सेमिफाइनलमा पुगेको थियो ।
नेपालले लगातार तेस्रो जित निकालेको थियो आज भएको खेलमा क्यानडालाई ८ विकेटले पराजित ग¥यो । नेपाललाई जित दिलाउने क्रममा ओपनर कुशल भुर्तेलले नटआउट ३४ रन र दीपेन्द्रसिंह ऐरीले नटआउट २७ रन जोडे । ओपनिङ ब्याट्सम्यान आसिफ शेख १७ रनमा आउट हुँदा कुशल मल्ल भने गोल्डेन डकआउट भएका थिए ।
टस जितेर पहिले ब्याटिङ रोजेको क्यानडा १५ ओभरमा ८० रन जोड्दै अलआउट भयो ।
नेपालले सेमिफाइनलमा युएईलाई पराजित गर्न सके आगामी अक्टोबरमा अस्ट्रेलियामा हुने टी–२० विश्वकपमा स्थान पक्का गर्नेछ । नेपालले पछिल्लो पटक सन् २०१४ मा टी–२० विश्वकप खेलेको थियो। नेपालले समूहमा लगातार तेस्रो जित निकाल्ने क्रममा सोमबार क्यानडालाई ८ विकेटले पराजित ग¥यो ।
क्यानडाले दिएको ८१ रनको लक्ष्य नेपालले १४.१ ओभरमा २ विकेटको क्षतिमा पूरा ग¥यो । लाई सस्तैमा समेट्ने क्रममा नेपालले पहिलो ओभरमै विकेट लिएको थियो । कमलसिंह ऐरीको पाँचौ बलमा म्याथ्यु स्पूर्सलाई शून्यमा आउट भए । कमलले नै क्यानडाका कप्तान नवनीत धलिवाल १८ रनमा आउट गरेका थिए ।
१४ रन बनाएर खेलिरहेका ओपनर रायन पठान लाई कमलसिंह ऐरीले अभिनास बोहराबाट रनआउट गराएका थिए। रविन्दरपाल सिंहलाई अभिनासले हम्जा तारिकलाइ सन्दीप लामिछानेले १ रनमा एलबिडल्लूको धरापमा पारेका थिए ।
खेलको नवौं ओभरमा करिम सनालाई कुशल मल्लबाट क्याच गराउँदै सन्दीपले पेविलियन फर्काए । कुशलले हर्ष थकर पनि आफ्नो पारीको २ रनमा एलबिब्लूको धरापमा पारे ।
