धरान । हिन्दु र्धममा सर्वोच्च जगदगुरु मानिने भारतको जगन्नाथपुरी गोबधर्न पीठका पिठाधीश्वर शंकराचार्य स्वामी निश्चलानन्द सरस्वतीको आज शुक्रवार धरान आगनमन हुदैछ । शंकराचार्यको स्वागतका लागि धरानमा स्वागत सम्मान एवं धार्मिक कार्यक्रमका लागि २५१ सदस्यिय मुल समिति गठन भएको छ ।
जगद्गुरु शंकराचार्य धरानमा आयोजित ४ दिने धार्मिक कार्यक्रमहरुमा सहभागी हुनेछन् । आयोजक समितिका अध्यक्ष पितरुमल अग्रवालका अनुसार शंकराचार्यबाट धरान स्थित धार्मिकस्थलहरुको दर्शन अवलोकान, पूजापाठ गर्नेछन् । शनिवार समितिव्दारा उनलाई अभिनन्दन गरिने कार्यक्रम छ ।
जगदगुरु शंकराचार्यका धार्मिक प्रवचन कार्यक्रम अन्तरकृयात्म हुने समितिका जनसम्पर्क उपसमिति संयोजक उद्धवप्रसाद अधिकारीले बताए । उनका अनुसार शंकराचार्यको अभिनन्दन सहितका सबै धार्मिक कार्यकार्यक्रमहरु धरान-१३ स्थित व्याङकेट मेनेजमन्टको हलमा हुनेछन् ।
शंकराचार्यको धरान आगमन हुँदा धरान-८ स्थित सिद्धिदातृ भगवती मन्दिरमा पञ्चकन्या, बाजागाजा सहितको कलश यात्राले स्वागत गर्दै बजार प्रवेश गराइने छ । उनको धरान आगमनको कार्यक्रम आज दिउँसो साढे ४ बजे हुने स्वागत सम्मान मुल समितिले जनाएको छ ।
