इटहरी । आसन्न स्थानीय तह निर्वाचनका लागि इटहरी उपमहानगरपालिका वडा नम्बर ८ को अध्यक्षमा गठबन्धनको तर्फबाट नेपाली कांग्रेसका नेता रोहित चौधरीले उमेद्वारी दिएका छन् ।
बैशाख ३० गते हुने निर्वाचनको लागि नेपाली कांग्रेसका वडा सभापति समेत रहेका चौधरीले वडाध्यक्ष पदमा दोश्रो कार्यकालका लागि सोमवार उमेद्वारी दर्ता गराएका थिए ।
पहिलो कार्यकालमा अधुरा रहेका कामहरुलाई पूर्णता दिन दोश्रो कार्यकाल आवश्यक भएको बताउँदै चौधरीले आफ्नो वडालाई इटहरी उपमहानगरपालिकाको नमुना वडा बनाउँने दावी गरे ।
उनले भने, ‘पहिलो कार्यकालको समय वडालाई व्यवस्थित गर्ने काममा बित्यो । वडाको विकाशका लागि महत्त्वपूर्ण आधारहरु निर्माण भएका छन् । केहि निर्मणको चरणमा छन् । दोस्रो कार्यकालमा अधुरा कामहरु पूरा गरेर ८ नम्बर वडालाई इटहरीकै नमुना वडा बनाउँने धोको छ ।’
इटहरी उपमहानगरपालिकाको शैक्षिक हवको रुपमा विकाश हुँदै गरेको उक्त वडामा सवै उमेर समूहमा उत्तिकै लोकप्रिय नेताको छवि बनाएका चौधरीले महिला वडा सदस्य, दलित महिला वडा सदस्य र दुई जना खुला वडा सदस्य सहितको टिम घोषणा गरेका हुन् ।
चौधरी नेतृत्त्वको उक्त टिममा खुला वडा सदस्यहरुमा खुपराज शर्मा र ध्रुब प्रसाद आचार्य रहेका छन् भने महिला वडा सदस्यमा हिरा कुमारी चौधरी रहेकी छन् । त्यसैगरी, दलित महिला वडा सदस्यमा रंजना सरदार रहेकी छन् ।
०७४ सालमा भएको स्थानीय तहको निर्वाचनमा पहिलो पटक विजयी भएका उनको पहिलो कार्यकाल सक्रिय एवम् उपलब्धीपूर्ण मानिएको छ ।
विभिन्न चुनौतीका वावजुत चौधरीले वडाको विकाशका लागि महत्त्वपूर्ण आधारहरु निर्माण गरेका छन् । केहि निर्माण सम्पन्न भएका छन् भने केहि निर्माणको चरणमा छन् । जसलाई पूर्णता दिन पनि आफुलाई दोश्रो पटक मौका दिन वडावासीसँग उनले आग्रह गरेका छन् ।
वडा कार्यालयको भवन निर्माण
पहिलो पाँच वर्षको अवधिमा उनको नेतृत्वमा ८ नम्बरको वडा कार्यालयको आफ्नै भवन निर्माण सम्पन्न भएको छ । वडा कार्यालयको उक्त भवन निर्माणका लागि चौधरीकी आमा सविता कुमारी चौधरीले एक कठ्ठा चार धुर जग्गा दान दिएकी हुन् । इटहरी उपमहानगरपालिका पालिकाका अन्य वडा कार्यालयहरु सरकारी भवनहरुमा आश्रित रहँदा र भाडाका घरमा कार्यालय संचालनमा रहिरहँदा चौधरीको नेतृत्त्वमा वडा नम्बर आठको आफ्नै कार्यालय पाएको छ । जुन वडा कार्यालय निर्माण सम्पन्न भएको छ भने यहि बैसाख अन्त्यसम्ममा संचालनमा आउने तयारीमा छ ।
२३ किमी पक्की सडक निर्माण
०७४ को स्थानीय निर्वाचनमा निर्वाचित हुँदा इटहरीका सबैभन्दा कम उमेरका वडाध्यक्ष रहेका चौधरी आफ्नो वडामा सडक विस्तार, स्तरोन्नति र पक्कि बनाउने कार्यमा महत्त्वपूर्ण काम गरेका छन् । आफ्नो कार्यकलमा उनको नेतृत्वमा वडामा २३ किलोमिटर पक्की सडक निर्माण भएको छ ।
चौधरीले आफ्नो नेतृत्त्वमा चार करोडको लागतमा इटहरी बसपार्क देखि घुर्की ‘बाईपास ट्रयाक’ समेत निर्माण गरेका छन् । इटहरी नगरपालिका हुँदै जाने इटहरी रिङ्गरोडको अधुरो रहेको विसुबाबा ग्राम थान हुँदै पुष्पलाल चोकदेखि पश्चिममा वडा नम्बर ७ को सिमाना सम्मको (लिंक रोड) कालो पत्रे निर्माणको काम सम्पन्न भएको छ ।
नगरको मुख्य सडकहरु सँग जोडिएका भित्री सहायक सडकहरुको स्तरोन्नति गर्ने र पक्कि सडक निर्माण गर्ने कार्य समेत चौधरीले आफ्नो कार्यकालमा गरेका छन् ।
डुवानबाट बच्न पानीको निकाश
त्यसैगरी, उक्त वडामा वर्षातको समयमा हुने डुवानबाट बच्न पानीको निकाशका लागि काम भइरहेको छ । पानीको निकासका लागि वडा मार्फत पशुपती चोक देखि शुष्मा स्कुल सम्म पानीको निकाशका लागि ड्रेन निर्माण भएको छ भने पिपलगाछि देखि नहर सम्म ड्रेन निर्माणको काम धमाधम भइरहेको छ ।
त्यसैगरी, वडामा बग्ने ट्यांग्रा खोलामा वर्षेनी आउने बाढीले खोलाको तटबन्ध कटान गर्दै आएकोमा वडा कार्यालयको सक्रियतामा विभिन्न स्थानमा गरि करिव ७०० मिटर तटबन्ध निर्माण काम समेत सम्पन्न भएको छ ।
टोल टोलमा टोल विकाश भवन निर्माण
चौधरीको कार्यकालमा वडामा तीन वटा टोल विकाश भवनको निर्माण सम्पन्न भएको छ । जसमा शहिद टोल विकाश, निर्माण टोल विकाश र सुविधानगर टोल विकाशका तीन वटा भवन निर्माण गरिएका हुन् ।
त्यसैगरी, वडामा रहेको इटहरीमा सबैभन्दा पहिले स्थापना भएको सरस्वती सतन मावीलाई व्यवस्थित बनाउन दुई वटा नयाँ भवन समेत निर्माण गरिएको छ भने पुरानो भवनको स्तरोन्नति गरिएको छ । जसमा नेपाली माध्ययमा पढाई भइरहेकोमा चौधरीको पहलमा अंग्रेजी माध्ययमबाट समेत पठनपाठन संचालन गर्ने तयारी रहेको छ ।
कक्षा १० सम्म मात्र संचालनमा रहेको इटहरीकै जेठो उक्त विद्यालयमा दश जोड दुई समेत संचालनमा आएका छन् । जसमा ‘प्लस-टु’ मा शिक्षा संकाय अन्तर्गत दुई ‘सेक्सन’ संचालनमा रहेका छन् ।
चौधरीको पहलमा उक्त विद्यालयमा ३५ लाखको लागतमा कवर्ड हल निर्माण गरिएको छ ।
Great Job Rohit Sir