निर्वाचन आयोगले ८ दिन भित्र मतपरिणाम सार्वजनिक गर्ने

काठमाडौं । निर्वाचन आयोगले आजको मितिले आठ दिनभित्र सम्पूर्ण मतपरिणाम सार्वजनिक गरिसक्ने जनाएको छ।आइतबार साँझ निर्वाचनबारे आयोगले गरेको पत्रकार सम्मेलनमा प्रमुख निर्वाचन आयुक्त दिनेशकुमार थपलियाले आठ दिनभित्र प्रतिनिधि सभा र प्रदेश सभाको सम्पूर्ण मतपरिणाम सार्वजनिक गरिसक्ने बताएका हुन्।

उनले प्रत्यक्ष र समानुपातिकतर्फको मतगणना सँगसँगै गरिने पनि जानकारी दिए।

आयोगका अनुसार काठमाडौं लगायत केही जिल्लाको मतगणना आजै रातिबाट सुरु हुनेछ।