काठमाण्डौं । तालिबानले अफगानिस्तानमा विश्वविद्यालयहरु बिच नयाँ कानुन लिएर आएको छ ।
अफगानिस्तानमा अब महिला र पुरुष एउटै कक्षामा सँगै बसेर पढ्न नपाउने भएका छन् । तालिबानले लिंगको आधारमा पोशाकसम्बन्धी नयाँ नियम लागू हुने तालिबानले बताएको छ ।
अफगानिस्तानमा तालिबानको अन्तरिम सरकारका उच्च शिक्षामन्त्री अब्दुल बाकी हक्कानीले आइतबार महिलाहरुले पढ्न पाउने तर पुरुषसँग एउटै कक्षामा भने नपाउने बताएका छन् ।
हक्कानीले पाठ्यक्रममाथि पनि पुनरावलोकन हुने उनले बताएका छन् । उन्ने भनेका छन् अब पढाईहुने पाठ्यक्रममा पनि केशि परिवर्तन हुने जानकारी दिएका छन् ।
सन् १९९६ देखि २००१ सम्मको शासनको क्रममा तालिबानले महिला तथा किशोरीहरुलाई विश्वविद्यालय तथा विद्यालय जान प्रतिबन्ध लगाएको थियो ।
तालिबानले योपटक भने महिलाहरुलाई शिक्षा र रोजगारबाट वञ्चित नगर्ने बताएको छ । तर अगस्ट १५ मा अफगानिस्तानमा नियन्त्रण कायम गरेपछि तालिबानले सार्वजनिक स्वास्थ्यबाहेकका क्षेत्रमा कार्यरत सबै महिलाहरुलाई सुरक्षा अवस्था सुधार नभएसम्मका लागि घरमै बस्न आदेश दिएको छ ।
तालिबानले अफगानिस्तान आफ्नो कब्जा लिनु भन्दा पहिले महिला पुरुषहरु एउटै कक्षामा पढ्न पाउथे र उनिहरु विच कुनै किसिमको पोशाकमा पनि बन्देज थिएन ।
तर हक्कानीले भने लिंगका आधारमा छुट्याएर शिक्षा प्रदान गर्ने नियम लागू गर्नमा आफूलाई कुनै संकोच नरहेको बताएका छन् ।
यसरी छुट्टै कक्षासहितका स्रोत साधनको व्यवस्थापनका लागि कठिनाइ हुने हुँदा महिलाहरु शिक्षाबाट वञ्चित हुने भन्दै कक्कानीले चिन्ता व्यक्त गरिएको छ ।
