सविन पाेख्रेल
काठमाडाैँ । युवाहरुकाे जाेस जाँगरलाई कायम राख्दै नेतृत्वमा युवाकाे स्थानलाई सुनिश्चित गराउन धनकुटा जिल्लाकाे प्रदेश सभा क काे सभापतिमा आफ्नाे उम्मेद्वारी रहेकाे काँग्रेस नेता जितेन्द्र रुम्दाली राईले वताएका छन् ।
त्यस्तै, क्षेत्रीय सभापतिमा अर्का प्रत्याशी माेहन वान्तावा राईकाे समेत दाबेदारी रहेकाे छ । बदलिँदाे परिस्थिति अनुसार काँग्रेसलाई सहि मार्गमा संचालन गर्नका लागि आफु क्षेत्रीय सभापतिका लागि सहि रहेकाे उनकाे दाबी रहेकाे छ ।
काँग्रेसप्रति जनताकाे आकर्षण भए पनि सहि ढंगकाे नेतृत्व पाउन नसकेकाे कारण लथालिङ्ग स्थिति रहेकाेले काँग्रसलाई सहि मार्ग प्रशस्त प्रदान गर्न मैदानमा आएकाे वान्तावा राई बताउँछन् ।
२०१५ देखि अहिलेसम्म ६३ वर्षकाे समयमा धनकुटा र केन्द्रबिच बढेकाे नेतृत्वपनकाे दुरी समाप्त गर्न उम्मेद्वारी रहेकाे माेहन वान्तावा राई वताउँछन् ।
वान्तावा राई ३० वर्षकाे पत्रकारिता अनुभव संगालेका कुशल मिडिया कर्मी हुन् । उनी नेपाल प्रेस युनियनकाे केन्द्रीय सदस्य समेत रहि सकेका छन् भने नेपाली काँग्रेस धनकुटाकाे जिल्ला कमिटी सदस्य समेत रहेर कार्य गरि सकेका छन् ।
धनकुटा जिल्लाकाे प्रदेश सभा क काे क्षेत्रीय सभापतिकाे टुंगाे सकेसम्म सहमतिकै माध्यमबाट लगाउन पार्टिले पहल गरि रहेकाे स्राेत बताउँछ । निर्वाचन गराउन भन्दा सकेसम्म निर्विराेध क्षेत्रीय सभापतिकाे टुंगाे लगाउन कसरत भईरहेकाे भन्दै चुनाव भएमा बाहिर राम्राे सन्देश नजानेमा पार्टी सचेत रहेकाे स्राेतकाे दाबी रहेकाे छ ।
