नेका धनकुटा सभापतिमा राई निर्वाचित

नेपाली कांग्रेसको ७७ जिल्ला सभापति मध्ये धनकुटा जिल्लाका सभापती दिनेश राई सवै भन्दा कम उमेरका सभापती भएकाले कान्छो सभापतीको रुपमा नैपालमा नै सर्वाधिक चर्चामा आएका हुन ।

नेपाल विद्यार्थी संघबाट राजनिति सुरु गरेका सभापति राई नेविसंघका स्कुल, क्षेत्र र क्याम्पस सभापती हुदै तरुण दल धनकुटाका जिल्ला अध्यक्ष र पार्टीकाे जिल्ला कोषाध्यक्षको जिम्मेवारी लिइरहेकोमा १४ औ महाधिवेशनमा ४० बर्षको उमेरमा नै सभापतीमा निर्वाचित भएका हुन । नेपाल तरुण दलका पूर्व केन्द्रिय सदस्य रहेका कमोट फागुलाई ३४ मतको अन्तरले उपबिजेता बनाउँदै ५ सय ४ मत प्राप्त गरी धनकुटा जिल्ला सभापतिमा बिजेता बनेका हुन ।

पुराना र पाका नेताहरुले पद नछाडिरेहेको अवस्थामा प्रतिस्पर्धाबाटै साहसिक ढंगले उम्मेदवारी दिई निर्वाचित भए पछि नेपाली कांग्रेस धनकुटाका निर्वाचित सभापती राई अहिले देशै भरी कान्छा सभापतिको रुपमा चर्चा आई लोकप्रिय भएका हुन ।

कांग्रेस भित्र पुस्ता परिर्वतन र रुपान्तरणको शुरु भएको नेपाली कांग्रेस धनकुटाका जिल्ला सचिव विजय सन्तोषी राईले वताएका छन् । नेपाली कांग्रेस धनकुटाको १४ औँ जिल्ला अधिवेशनबाट ४५ भन्दा कम उमेरका उपसभापतीमा सुनिल डंगोल, निर्मल ओझा, सचिवमा विजय सन्तोषी राई, जयन्द्र घिसिङ्ग, सहसचिवमा गिरिजा प्रसाद दाहाल, रोशन श्रेष्ठ निर्वाचित भए पछि धनकुटा जिल्लाको कांग्रेसमा परिवर्तन सुरु भएको छ ।

यसैगरी प्रदेश सभा क्षेत्रिय सभापति क का जितेन्द्र राई र ख का राजन पौडेल पनि ४० बर्ष भन्दा कम उमेरका रहेका छन । धनकुटा जिल्लाको कांग्रेसको अधिवेशनबाट नयाँ पुस्ता नेतृत्वमा आएकाले अभिभावकहरुको अनुभव, सल्लाह,आर्शिवाद लिएर युवा शक्ति परिचालन गरी पार्टीमा परिवर्तन र रुपान्तरणको अभियानलाई व्यापक संचालन गर्ने जिल्ला सचिव विजय सन्तोषी राईले वताएका छन् । नव निर्वाचित सभापति राईले धनकुटामा कांग्रेस भित्र पुरै परिवर्तन गरी आगामी हुने सवै तहको निर्वाचनमा कांग्रेसलाई विजयी गराई सवैले थाहा पाउने गरी, देखिने खालको र अनुभूती हुने किसिमको पार्टी भित्र काम गर्ने बताएका छन् ।