इस्लामाबाद । पाकिस्तानका पूर्व प्रधानमन्त्री इमरान खानले आफ्नो सामाजिक सञ्जाल ह्यान्डलमा एक भिडियो शेयर गर्दै राजद्रोहको आरोपमा पक्राउ परेका आफ्ना निकट सहयोगी शाहबाज गिललाई मानसिक र शारीरिक यातना दिइएको र यौन हिंसा पनि गरिएको दाबी गरेका छन् ।
देशद्रोहको मुद्दामा पक्राउ परेका गिललाई मेडिकल बोर्डले इस्लामावादको अदालतमा हाजिर गरिएको थियो । कडा सुरक्षा व्यवस्थाका बीच प्रहरीले गिललाई ह्वीलचेयरमा राखेर अदालत पुर्याएकोमा बन्दी गृहमा गीललाई यातना दिइएको विषयमा प्रश्न उठेको हो ।
सार्वजनिक भएका तस्बिर र भिडियोहरूले गिललाई मानसिक र शारीरिक दुवै रूपमा यौन दुर्व्यवहार सहित यातना दिइएको देखाएको बताईएको छ । खानले भने, ‘यो धेरै नै डरलाग्दो छ। उसलाई कमजोर बनाउनका लागि अपमानित पनि गरिएको थियो ।’
उनले अगाडी भने, ‘अब मसँग पूर्ण विस्तृत जानकारी छ तर आईसीटी पुलिसले गीललाई कुनै यातना दिएको छैन भनेको छ जुन सरासर गलत हो, खानले भने ।एउटा टिभि च्यानलमा अन्र्तवार्ताका क्रममा राज्य बिरुद्ध बोलेको आरोपमा इमरान खानका निकटतम सहयोगी गीललाई राज्यले पक्राउ गरेको थियो ।’
