बैंकक/लन्डन/अङ्कारा/बर्लिन । रुस मार्फत सामानहरू ढुवानी गर्दा रेल ब्रिज कार्गो, युरोपेली ढुवानी कम्पनीको ६०५ व्यापार हुन्थ्यो। त्यसपछि राष्ट्रपति भ्लादिमिर पुटिनले युक्रेनमा आफ्नो आक्रमण सुरु गरे र रुसको प्रवृतिवाट चित्त नबुझाएका युरोपेली देशरु वैकल्पिक यातायात मार्गहरूको लागि खोजी गर्न थाले ।
यूक्रेन आक्रमणको सात दिन पछि, रेल ब्रिज कार्गोले नैतिक आधारमा ट्रान्स-रूस मार्गहरू प्रयोग गर्न बन्द गर्ने घोषणा गर्यो । मानवीय आपूर्ति, खाना र औषधिको लागि श्रोत बचाउन यसो गरिएको थियो । अब कम्पनीले रुसको बाटोको साटो दक्षिणतिर हेर्यो, जुन चीनको चौङकिङदेखि जर्मनीको डुइसबर्गसम्म नयाँ, फलामको रेशम सडक निर्माण गर्ने योजनाको मुख्य भाग हो।
तर, बिकास नभइसकेको नयाँ बाटो एक्कासी कार्गो आवतजावतको लागि तयार थिएन। क्यास्पियन सागरमा रहेको कजाख सहर अक्ताउले यस वर्ष आफ्नो १९४००० जनसंख्या भन्दा धेरै ढुवानी कन्टेनरहरू देख्नेछ । ट्रान्स रसिया रेल युरोप र एशिया बीच सामान पठाउने कम्पनीहरूको लागि एक आकर्षक विकल्प भएको थियो ।
एकातर्फ महामारीले समुद्री ढुवानी क्षमतालाई कम गर्यो र कन्टेनरको मूल्यलाई उच्च बनायो । ट्रान्जिट समय समुद्रबाट ढुवानी भन्दा धेरै दिन छोटो थियो, तालिकाहरू अधिक भरपर्दो र, महत्त्वपूर्ण रूपमा युरोपेली कम्पनीहरूका लागि यो कम कार्बन एमीसनको मार्ग पनि हो । रूस हुँदै मासिक रेल माल ढुवानी ट्राफिक छ वर्षमा पहिलो पटक अप्रिलमा घट्यो, धेरै जसो गिरावट युक्रेन युद्धबाट सावधान भएका युरोपेली कम्पनीहरूबाट आएको थियो।
डुइसबर्गको बन्दरगाहमा, चीनतर्फ जाने कार्गो ट्रेनहरूको लागि जर्मन हब, पूर्वी बाउन्ड बुकिङहरू फेब्रुअरीको अन्तमा युक्रेनमा युद्ध सुरु भएदेखि २० देखि ३० प्रतिशतसम्म सम्म घटेको छ। बीएमडब्लू र अडीले अप्रिलमा नै चीनमा रेलबाट कार पठाउन रोकेका थिए। युरोपेली कम्पनीहरूले चीनको मार्गलाई प्रयोग नगर्ने धेरै कारणहरु पाएका छन् ।
चीन मार्गको पूर्वी टर्मिनस उत्तरपश्चिमी सिनजियाङ प्रान्तको काशगर हुनेछ, जहाँ चीनले २ मिलियन उइघुर मुस्लिमहरूलाई हिरासत शिविरहरूमा राखेको छ र यस अमानविय कदमलाई पून शिक्षा भनेको छ। अमेरिका र ईयूले मानवअधिकार उल्लङ्घनमा संलग्न चिनियाँ अधिकारीहरूका साथै सिनजियाङ क्षेत्रका सामान र कच्चा पदार्थहरूमाथि प्रतिबन्ध लगाएका छन्।
यसैबीच, युरोपेली कम्पनीहरूले ट्रकिङ क्षमता बढाइरहेका छन्, जर्मनीको डोरेनहाउस, हेलम्यान र डीएचएलले २०२० को शुरुवातमा त्यसो गर्न थालेका हुन । युक्रेनको आक्रमण पछि, रेल ब्रिज कार्गोले बाकुदेखि मध्य युरोपसम्म ट्रकिङ सेवाहरू प्रदान गर्न थालेको छ। पश्चिमतर्फको यात्राको संभावना चीनको नियन्त्रण भन्दा पर जाने क्रम बढ्दो छ ।
