इलाम : इलामको सूर्योदय नगरपालिकामा मिस सूयोदय सिजन १ हुँने भएको छ । स्थानीय स्तरमा रहेका प्रतिभाको अगाडि ल्याउने उद्देश्यले जिल्लामै पहिलोपटक हुन लागेको हो । मिस सूर्योदय सिजन १ यहि असार ७ गते देखि २० गते सम्म फिक्कलमा हुँने भएको हो ।
होटल एसोसीएसन सूर्योदयको आयोजना तथा सूर्योदय जेसीज र युनाईटेट फिक्कल क्लबको सह आयोजनामा हुँने कार्यक्रमको ब्यवस्थापन समुन्त सूर्योदय मल्टी सर्भील प्रा लिले गर्ने भएको छ । १६ देखि २५ बर्ष उमेर समुहका युवतीले सहभागी हुन सक्ने उक्त कार्यक्रममा सौन्दर्यकला र बुद्धिमत्ताको प्रचार, संस्कृति, परम्परा र इतिहासको प्रवर्द्धन गर्ने जनाईएको छ । कार्यक्रमले सहभागीलाई स्वस्थ जीवनशैली र सामुदायिक संलग्नताको कदर गर्न प्रोत्साहित गर्ने , सामाजिक सीप र व्यक्तित्वको विकास गर्दै आत्म–विश्वास, आत्म–अनुशासन, प्रेरणा, र दृढ संकल्पमा वृद्धि गर्ने जनाईएको छ ।
प्रतिस्पर्धीको वस्ताविक पहिचानका लागि व्यवसायिक समूहद्वारा अडिसन लिइने आयोजकका कार्यक्रम संयोजक युवराज प्रधानले जानकारी दिएका छन । उनका अनुसार छनौटमा रहेका प्रतिष्पर्धीलाई कोरियोग्राफी ,हस्पिटालिटी, क्षमता अभिवृद्धि ,उद्घोषण तथा नेतृत्व बिकास तालिम, व्यवसायिक मोडलिंग तालिम, मेकअप, आर्टिस्ट , फेसन डिजाइनिंग सम्बन्धि तालिमका साथै योगा पोषण तथा स्वस्थ्य सम्बन्धी तालिम र अंग्रेजी बोलचाल ,मनोसामाजिक परामर्श ,उत्प्रेरणा, आत्मरक्षा ,बित्तिय साक्षारता ,सामाजिक ,राजनैतिक ,समावेशिता ,पर्यटन तथा करियर सम्बन्धी परामर्श लोकसेवा ,बैदेशिक अध्ययन व्यवसाय बैकिङ्ग सेवा सम्बन्धी तालिम दिईने छ ।
सहभागी मध्येबाट उत्कृष्ठ १० छनौट गरी फाईनलका लागि प्रतिष्पर्धा गराईने छ ।
पुरस्कार
मिस सूर्योदय सिजन १ विजेता
टाइटल ताज पुष्पगुच्छा छात्रवृत्ति
नगद पुरस्कार रु १०००००÷–
विभिन्न ब्रान्डमा बैतानिक दूत तथा विज्ञापन खेल्ने अवसर
म्युजिक भिडियो खेल्ने अवसर
मिस सूर्योदय सिजन १ प्रथम रनरअप
टाइटल ताज पुष्पगुच्छा तथा नगद रु ५००००÷–
मिस सूर्योदय सिजन १ सेकेण्ड रनरअप
टाइटल ताज पुष्पगुच्छा तथा नगद रु २५०००÷–
