सुनसरी । सप्तकोशी नदीमा पानीको बहाव उच्च भएको छ । पूर्वी पहाडी क्षेत्रमा लगातारको वर्षापछि सप्तकोशी नदीमा पानीको बहाव उच्च भएको हो । पानीको बहाव उच्च भएसँगै सप्तकोशी आसपासका स्थानीयलाई सतर्क रहन स्थानीय प्रशासनले आग्रह गरेको छ ।
पानीको बहाव बढेसँगै ब्यारेजका ५६ ढोका मध्ये ३१ ढोका खुल्ला गरिएको छ ।
शुक्रबार दिउँसो सप्तकोशीमा पानीको बहाव प्रतिसेकेण्ड २ लाख २९ हजार ५ सय १५ क्युसेक मापन गरिएको सशस्त्र प्रहरी बल ४ गण सुनसरीका सशस्त्र प्रहरी उपरीक्षक माधवप्रसाद पौडेलले जानकारी दिनुभयो ।
कोशीको बहाब बढेपछि खतराको संकेत स्वरुप रातो बत्ती बालेको छ । प्रमुख जिल्ला अधिकारी उमेशकुमार ढकालले जनकारी दिए अनुसार कोशी ओरीपरिका वासिन्दालाई सर्तक र सुरक्षि रहन समेत निर्देशन गराई सकेको छ ।
कोशी आसापासका क्षेत्रमा हुने सम्भावित घटनालाई मध्यनजर गर्दै सशस्त्र प्रहरीको टोली विभिन्न स्थानमा उद्धारका लागि परिचालन गरिसकिएको छ ।
पानीको बहाव प्रति सेकेण्ड एकलाख ५० हजार क्युसेक पुगेपछि सप्तकोशी नदीमा खतरा मानिन्छ । कोशीको पुल भारत सरकारको नियन्त्रणमा रहेको छ ।
पनीको बहाव बढेसँगै सुनसरीको श्रीलंका टापुमा कोसीले तीव्र रूपमा कटान गरेको स्थानियवासीले बताएका छन् ।
