धरान । नेपाली काङ्ग्रेसबाट निर्वचित धरान र रामधुनी नगरपालिकाका मेयरहरुको पहलमा धरान उपमहानगरपालिकाको वडा नं. १९ देखि रामधुनी नगरपालिका जोड्नका लागि हरियाली मार्ग सडकको स्तरोन्नति हुने छ ।
शुक्रबार धरान उपमहानगरपालिकाका मेयर तिलक राईको अध्यक्षतामा रामधुनी नगरपालिकाका मेयर जयप्रकाश चौधरी र जिल्ला वन कार्यालय प्रमुख दानबहादुर श्रेष्ठसहित बसेको त्रिपक्षिय छलफलले छोटो दुरीको हरियाली मार्ग सडक निर्माण गर्ने समझदारी भएको हो ।
७ किलो मिटर बढी रहेको उक्त सडकको १५ फिट चौडाई छ । धरान–रामधुनी जोड्ने हरियाली मार्ग र मदनभण्डारी सहायक राजमार्ग जोड्ने छोटो दुरीको सडक हुनेछ भने तल्लो क्षेत्रमा उत्पादन भएका कृषि उपजहरु बजारसम्म ल्याउन धेरै छिटो र सहज हुनेछ । रामधुनी नगरपालिका लगायत तल्लो भेगका मानिसहरु र विरामी बोक्ने एम्बुलेन्सलाई वीपी कोईराला स्वास्थ्य विज्ञान प्रतिष्ठानसम्म छिटो आईपुग्न सहज हुनेछ ।
धरानबाट ईटहरी जाने राजमार्ग कुनै कारणले समस्या भएमा, बन्द भएमा रेल्वै लीक सडक समेत हुनसक्ने बताएको छ । हाल उक्त सडक ट्रयाक मात्र सिंगल लेन ग्राभेल रहेको हुँदा त्यसको स्तर उन्नती गर्ने सम्बन्धमा आज बसेको त्रिपक्षिय बैठकमा बृहत छलफल भएका थिए ।
धरान उपमहानगरपालिका र रामधुनी नगरपालिकाले समन्वय गरेर सडक निर्माण गर्ने भएको छ । उक्त सडक सामुदायिक वन क्षेत्र र राष्ट्रिय वन क्षेत्रमा समेत पर्ने भएकाले त्यसको स्तर उन्नती गर्न दुबै नगरपालिकाको कार्यपालिकाबाट निर्णय गर्ने जनाएको छ ।
दुबै नगरपालिकाका प्राविधिक समेत रहेको एक कार्यदल गठन गरी सामुदायिक वनहरु, डिभिजन वन कार्यालय र अन्य सरोकारवाला निकायहरुसँग समेत समन्वय गरि अघि बढाउने निर्णय गरेको छ । साथै, वनक्षेत्र भएकाले नगरपालिकाबाट आईई समेत गराउने निर्णय गरेको छ । उक्त सडकको स्तर उन्नतिका लागि रामधुनी वडा नम्बर ६ का स्थानियबासी एवम युवाहरूले विगत लामो समय देखि धरान र रामधुनीका मेयरहरुलाई दवाब दिदै आएको नेपाली काङ्ग्रेस रामधुनी वडा नम्बर ६ का सभापति आशिष् श्रेष्ठले नीतिसञ्चारलाई बताए।
Dherai ramro karya hami sabai ramdhuni basi lai sukhat samachar bikash ra pragati ko kam ma hami sabai janta ko sath ra sahayog rahanexa bhadhai xa hami sampurna lai!