काठमाडौं , नागढुङ्गा – नौबिसे सडक खण्डमा पहिरो खसेपछि त्यहाँको सडक खण्ड अवरुद्ध भएको छ ।
चन्दागिरि नगरपालिका वडा नम्बर २ चिसापानी धारा नजिकै सडकमा पहिरो खसेपछि दुवैतर्फ बाटो अवरुद्ध भएको त्याहाँको महानगरीय प्रहरी वृत्त थानकोटका प्रहरी निरीक्षक त्रिभूवन थापाले जानकारी गराए ।
पहिरोको कारण काठमाडौँबाट बाहिरिने र भित्रिने सवारी साधनहरु रोकिएका छन् थापाले भने, अहिले पहिरो पन्छाउने काम सुरु भएको छ । डेढ दुई घण्टाभित्रै पहिरो पन्छाएर सडक सुचारु गर्ने प्रयास गर्ने छौं ।
उनले भने, ‘पहिरो पन्छाउनकै लागि सुरुङ मार्गको डोजर मगाएर काम सुरु गरेका छौं, डेढ दुई घण्टाभित्रै सडक सुचारु हुन्छ होला ।’