इलाम । इलामको सन्दकपुर गाउँपालिका–५ जौबारीमा रेडपान्डा मृत फेला परेको छ । गैरीबास रोड छेउ बृक्षारोपण क्षेत्रको फेन्सिङ तारबारको छेउमा अन्दाजी डेढ बर्षको पोथी रेडपान्डा मृत फेला परेको हो ।
मृत अवस्थामा फेला परेकोको रेडपान्डालाई सन्दकपुर गाउँपालिका पशु सेवा शाखा, सन्दकपुर सव डिभिजन देउराली, चोयाटार सामुदायिक बन उपभोक्ता समिती, हिले र जौबारी प्रहरी चौकिको रोहवरमा शव परिक्षणको लागि भेटनरी अस्पताल तथा पशु सेवा बिज्ञ केन्द्र इलाम पठाइएको पशु शाखा प्रमुख सविन भट्टराईले जानकारी दिए । रेडपाण्डा दुर्लभ जन्तुमा पर्दछ पछिल्लो समय बन्यजन्तु सिकारीहरुले थापेको पासोहरुले पनि रेडपाण्डा संरक्षणमा समस्या भईरहेको छ ।
