इलाम । पर्यटन प्रर्वधन लागी दुई दिने मकरजुङ्ग देखि थुम्के पैदल यात्रा सम्पन्न भएको छ । यूवा संघ सूर्योदय नगर कमिटिको आयोजनामा सुर्योदय नगरपालीकाको मकरजुङ बाट भदौ २८ गते सुरु भई २९ गते इलामकै पुरानो गोर्खे बजारमा आई समापन भएको हो । सूर्योदय नयरपालिका र अन्य क्षेत्रका गरी एक सय छ जना पैदल यात्री सहभायी रहेको कार्यक्रममा सूर्योदय नगरपालिका १ भित्र रहेका बिभिन्न धार्मिक पर्यटकिय क्षेत्रहरुको अवलोकन गर्दै नगरपालिका कै उच्च स्थानमा रहेको लामिधरा सम्मको यात्रा गरेका थिए ।
आफ्नो क्षेत्रमा पर्यटन बिकासको लागी यस्ता कार्यहरु अझ बदाउंदै जाने र बिभिन्न पर्यटकिय क्षेत्रको बिकासका लागी आफू र संगठन सधै लागीरहने युवा संग सूर्योदय नगर कमिटि अद्यक्ष उदयअहाङ फागोले बताए । इलामका अन्य बिभिन्न क्षेत्रहरुमा पनि पर्यटनको राम्रो सम्भावना छ तर सरोकार वालाहरुको ध्यान नपुग्दा अझै आझेलमै परिरहेका छन । सूर्योदयको जस्तै सम्पूर्ण नागरीक लाग्ने हो भने समग्र इलामकै पर्यटन प्रर्वधनमा मात्र हैन इलामको अर्थतन्त्रमा समेत टेवा पुग्ने थियो ।
