बिनु खड्का इलाम । लगातार बर्षाको कारण फिक्कल नयनबजार सडकको गुप्ति खण्डमा पर्ने पक्कि बाटो दबेको छ । केहि दिन यता लगातार बर्षा भई रहंदा उक्त सडकमा क्षति भएको हो । माईजोगमाई गाउंपालिकाको केन्द्र नयांबजार बाट केहि तल को चियाबारी नजिक बाटो दबिएको छ । हिजो बाट दब्न सुरु भएको बाटोको आधा भाग दबि सकेकोले दुई तर्फि गाडि आवत जावत गर्न समस्या भएको चालक सुरज राईले बताए ।
उक्त बाटो खनाल कन्स्ट्रक्सन कम्पनीका प्रोप्राइटर डिल्ली खनालले २०७६ सालमा ठेक्का पारी काम सुरु गरेका थिए । काम शुरु भएपनि २०७७ साल कार्तिकमा ठूलो बाढि आएर पुल समेत बगाएकाले काममा ढिलाई भएको थियो । बहुवर्षे ठेक्का मार्फत २०७६ सालदेखि नै निर्माण शुरु भएको सडकको ठेक्का एक पटक म्याद थप गरी सम्पन्न भएको थियो ।
कोशी प्रदेश सरकारको भ्याट सहित ५३ करोडको ठेक्का मार्फत सडक कालोपत्रे भएको थियो । यो सडक हाल बिभिन्न ठांउहरु भत्किन थालेका छन तर स्थानिय सरकारले प्रदेशको योजनामा आफू अघि नबढेको र प्रदेशले संरक्षणमा चासो नदिंदा सटक जिर्ण बन्दै जाने अवस्था देखिएको छ ।
