काठमाडौं । नेपाल कम्युनिष्ट पार्टी एमालेका अध्यक्ष केपी शर्मा ओलीले ‘जहाँ प्रचण्ड त्यहाँ समस्या हुने’ भन्दै नेपाली कांग्रेसलाई माओवादी केन्द्रका अध्यक्ष पुष्पकमल दाहाल ‘प्रचण्ड’बाट बच्न सुझाव दिएका छन् ।
बुधवार राष्ट्रिय युवा संघ नेपालले गरेको ‘साइबर सर्कल घोषणा कार्यक्रम’ लाई सम्बोधन गर्ने क्रममा अध्यक्ष ओलीले जहाँ प्रचण्ड त्यहाँ समस्या हुने भन्दै कांग्रेस सिध्याइदिने खतरा रहेको जिकिर गरेका हुन् । कांग्रेसको नीति, विचार र संकल्प वृद्ध भइसकेको भन्दै उनले कांग्रेसले माधव नेपाल र प्रचण्डको हात समाएर देशमा विकास ल्याउन नसक्ने दावी गरे ।
परमादेशबाट पाँच दल सरकार पुग्दा सर्वोच्चमा समस्या आएको भन्दै उहाँले देशमा हैन, आन्दोलन अदालतमा समस्या चर्किएको उनको भनाई छ । आगामी दिनमा अन्य दलहरुसँग एकीकरणको औचित्य समाप्त भइसकेको र माधव नेपाल सँग गएकाहरुलाई बिउँझिएर पुन एमालेमा फर्किन आग्रह गरे ।
यस्तै राष्ट्रिय हितका पक्षमा उभिन तथा राष्ट्रिय एकताको भावना जोगाउन साइबर सर्कलले महत्वपुर्ण योगदान पुर्याउने बताए ।
एमाले नेता प्रदीप ज्ञवालीले सामाजिक सञ्जालको दुरुपयोग गरि एमालेका सपना समाप्त गर्न कतिपय लागेको बताए । उनले एमालेको सपना जोगाउन साइबर सर्कल क्रियाशील हुने बताए ।
