काडमाण्डौं । मेडिकल कलेजले गरेको मनपरिमा चिकित्सा शिक्षा आयोगले चेतावनी दिएको छ । तोकिएभन्दा बढी शुल्क लिएको कारण मेडिकल कलेजको सिट संख्या घटाउन चेतावनी आयोगले दिएको छ ।
चिकित्सा शिक्षा आयोगले पटक–पटक दिएको निर्देशन अवज्ञा गरेपछि आयोगले यस्तो चेतावनी दिएको हो ।
आयोग सदस्य–सचिव डा. भोजराज काफ्लेले आफूले गरेको निर्णय कार्यान्वयन गर्न नसकेका अटेर गर्ने मेडिकल कलेजको आगामी शैक्षिक सत्रमा सिट संख्या घटाउने चेतावनी दिएको हो । काफ्लेलेका अनुसार अटेर गर्ने र विद्यार्थीसँग मनपरी शुल्क लिने कलेजमाथि अनुसन्धान शुरु गरिसकिएको र ती मेडिकल कलेजलाई अनुमति दिइएको सिट रोक्का गर्न पत्र पठाउने तयारी भइरहेको बताउनुभयो ।
आफूहरुले कारबाही गर्ने अधिकार नभएको गुनासो गर्दै काफ्लेले भन्नुभयो– ‘के गर्ने, कारबाही गर्ने अधिकार हामीलाई रहेनछ, बढी शुल्क लिने कलेज भएका जिल्लामा जिल्ला प्रशासन कार्यालयलाई पत्राचार गरी कारबाही गर्न आग्रह गरेका छौं ।’
