इटहरी । थारु पत्रकार सङ्घ नेपाल सुनसरीको तेस्रो जिल्ला अधिवेशनबाट निशान चौधरी अध्यक्षमा निर्वाचित भएका छन्।
सोमबार सुनसरीको रामधुनी नगरपालिका वडा-२ थारु संग्रालयमा भएको थारु पत्रकारको तेस्रो अधिवेशनमा सर्वसम्मत रूपमा अध्यक्षमा चौधरी चयन भएका हुन । पुरानो जिल्ला कार्यसमितिलाई विगठन गरी १३ जनाको नयाँ कार्यसमिति गठन गरिएको हो ।
थारु पत्रकारको हक, हित तथा अधिकारको लागि वकालत गर्दै आइरहेको सङ्घले सोमबार भएको जिल्ला अधिवेशनबाट उपाध्यक्ष क्रमशः कमला चौधरी, हेमन्त चौधरी, सचिव सरोज चौधरी, सह-सचिव श्वेता सरदार थारु, कोषाध्यक्ष होमकुमारी चौधरी चयन भएका छन् । त्यसैगरी सदस्यहरूमा मनीषा चौधरी, रेखा चौधरी, पीँकी चौधरी, चन्द्रकला चौधरी, विनीता चौधरी चयन भएका हुन। दुई जना सदस्यलाई भने पहिलो बैठकबाट मनोनीत गर्ने जनाएको छ ।
उक्त अधिवेशन कार्यक्रममा थारु पत्रकार सङ्घका केन्द्रीय सचिव कुलदिप चौधरी,फोनिज प्रदेश १ का सचिव प्रदीप जस्मैत, फोनिज सुनसरी पूर्व अध्यक्ष धिरेन्द्र चौधरी, अग्रज पत्रकार गवनसिंह चौधरी, थारु महिला सभा सुनसरीका अध्यक्ष सुशीला चौधरी लगायत थारु पत्रकारहरूको उपस्थिति रहेको थियो । थारु पत्रकार सङ्घ नेपालको ५ औ राष्ट्रिय केन्द्रीय महाअधिवेशन यही चैत्र २५ र २६ गते नवलपुरमा हुने भएको छ ।
