इटहरी । नेपाली काँग्रेसको तर्फबाट इटहरी उपमहानगरमा मेयर पदका उमेद्धार हेमकर्ण पौडेलले परिवर्तनका लागि एक पटक गठबन्धनलाई मत दिनुपर्ने बताएका छन । नेपाली काँग्रेसको घरदैलो अभियान अन्तरगत इटहरी ५ को कार्यक्रमलाई सम्बोधन गर्दै पौडेलले देशको लोकतन्त्र बचाउन बनेको गठबन्धन भएकाले इटहरीमा पनि गठबन्धनको जीत आवश्यक रहेको बताएका हुन ।
इटहरीलाई आहा इटहरी बनाउँछु भनेर अघिल्लो नेतृत्वले इटहरीलाई स्वाहा बनाएको बताए । उनले भने, `यहाँ एक जना मान्यज्यूले चुनावका बेला इटहरीमा आकाशे पुलको भाषण गरी पुलमा डेटिङ स्पट बनाउने भन्नुभएको थिएन ? पछि मैले नै मान्य ज्यू आहा इटहरी के भयो ? भनेर सोधेँ, उहाँले नै भन्नुभयो, स्वाहा भयो भनेर ।´
आफूले गर्न सक्ने काम मात्र गर्छु भनेर भन्ने प्रतिज्ञा गरेको बताउँदै आउँदो ३२ वर्षमा इटहरीमा हरेक क्षेत्रमा कस्तो बनाउने भन्ने लक्ष र भिजनका साथ नेतृत्व अगाडि बढ्ने उनले बताए । स्थानीय सरकार भनेको मुलुकको समृद्धि र विकासको पहिलो विन्दु रहेको बताउँदै जनताको भावना बुझ्न सक्ने मान्छे नेतृत्वमा पुग्न नसकेको बताए ।
इटहरीमा जनभावना बोकेको मान्छे नेतृत्वमा आउन सकेन, अबको नेतृत्व भनेको जनताको भावना बोकेको हुनेछ । भोलिका नेतृत्वलाई कसरी अघि बढ्न सकिन्छ भन्ने भिजनसहित गठबन्धनको नेतृत्व जनताले चुन्नुहुने छ । उनले भने,
३२ औँ वर्षदेखि इटहरीमा नेकपा एमालेले जिते पनि इटहरीले हारेको बताउँदै यस पटक नेपाली काँग्रेसको नेतृत्वमा इटहरीले गति पाउने उनको भनाई छ ।