भियना । अफगानिस्तानमा तालिबानले अफगानिस्तान कब्जा गरेको एक वर्ष पूरा भएको सन्दर्भ पारेर अफगान प्रवासी समूहले भियनामा प्रदर्शन गरेको छ ।
अलकईदा विरुद्दको दुई दशक लामो लडाई अन्त्य गर्दै अमेरिकी सेनाले अफगानिस्थान छाड्ने तरखर गरिरहदा सशस्त्र तालिवानी समुहले राजधानी काबुलमा कब्जा गरेको एक वर्ष पुरा भएको दिन पारेर अफगान प्रवासी समूहले अष्ट्रियाको राजधानी भियनामा प्रदर्शन गरेको हो ।
उक्त समुहले काबुल मामिलामा पाकिस्तानले हस्तक्षेप गरेको भन्दै निन्दा समेत गरेको छ । अस्ट्रियामा रहेको पाकिस्तानी दूतावास अगाडि अफगान डायस्पोरा संगठनले आयोजना गरेको प्रदर्शनमा सयौं मानिसहरूले प्रदर्शन गरेका थिए।
उक्त समुहले जारी गरेको बिज्ञप्तिमा भनिएको छ, ‘हामी आन्तरिक विरोधका सहभागीहरूले यो प्रस्ताव जारी गरी अफगानिस्तानमा पाकिस्तानको हस्तक्षेप र अफगानिस्तानमा सञ्चालित आतंककारी सङ्गठनहरूलाई निरन्तरता दिइरहने समर्थनको निन्दा गर्न अन्तर्राष्ट्रिय समुदायलाई जोडदार अनुरोध गर्दछौँ ।’
प्रदर्शनकारीद्वारा जारी उक्त विज्ञप्तिमा अगाडी भनिएको छ, ‘पाकिस्तान आतंकवादलाई आर्थिक सहयोग गर्ने राज्यले अफगानिस्तानलाई तिम्रो लागू पदार्थको तस्करीको लागि प्रयोग गर्न बन्द गर ।’
प्रदर्शनकारीहरुले ‘पाकिस्तान निर्दोष अफगानहरूलाई मार्न बन्द गर’ लेखिएका प्लेकार्डहरु प्रर्दशन गरिएका थिए ।
‘हामी युरोपेली संघ, नेटो र संयुक्त राष्ट्र सुरक्षा परिषद्लाई अफगानिस्तानमा युद्ध अन्त्य गर्न र पाकिस्तानलाई अफगानिस्तानको आन्तरिक मामिलामा हस्तक्षेप गर्नबाट रोक्नको लागि नयाँ रणनीति र नीति अपनाउन अनुरोध गर्दछौं ताकि त्यहाँ दिगो शान्ति र स्थायित्वको आधार तयार होस्। देश’, उनीहरूले भने।
सहभागीहरूले युरोपेली संसदलाई अफगानिस्तानमा विगत ४० वर्षदेखि प्रोक्सी युद्धमा संलग्न र देशमा महिला लगायत निर्दोष जनतालाई लक्षित गरी मानवअधिकार उल्लङ्घन गर्ने कार्यमा संलग्न सबै पाकिस्तानी ISI सदस्यहरू र वरिष्ठ अधिकारी र जनरलहरूलाई पक्राउ गर्न पनि आग्रह गरेका छन् ।
