इटहरी २३ साउन । रोटरी क्लब अफ इटहरीले आज चारकोशे झाडीको खाली ठाँउमा फलफुलका चार सय बिरुवा रोपेको छ । हासपोसा सामुदायीक बन उपभोक्ता समुहले संरक्षण गर्दै आएको बन क्षेत्रको खाली भुभागमा बन उपभोक्ता समुह र प्रकृति संरक्षण अभियान लगायतका सस्थासंगको सहकार्यमा आँप, लीची अम्बा, अमला, बेल लगायतका चार सय फलफुलका बिरुवा रोपीएको हो ।
जंगलको खाली भुभागमा फलफुलका बिरुवा रोप्दा वाताबरणको संरक्षण पनि हुने र जंगली जनाबरलाइ खानेकुरा पनि हुने महसुस गरि उक्त क्षेत्रमा बिरुवा रोपीएको क्लबकी अध्यक्ष शोभा कोइरालाले बताउनु भएको छ ।
जंगल मासिदै जाँदा बाताबरण पनि बिग्रदै गएको, चराचुरङ्गी बसाइ सर्दै गएको, बाँदरहरु खानेकुराको खोजीमा गाँउ शहर पस्ने गरेको र मासिदै गएको अबस्थामा जंगलमा फलफुलका बिरुवा रोप्दा चरा चुरुङ्गी, बादर लगायतका जनाबर पुन फर्काउन सकिने अपेक्षा रहेको प्रकृति संरक्षण अभियानका अभियानकर्मी ध्रुब घिमिरेले बताउनु भएको छ ।
बृक्षारोपण कार्यक्रममा सहभागी उद्योग बाणीज्य संघ इटहरीका अध्यक्ष भिम पौडेल र नागरिक समाज इटहरीका उपाध्यक्ष तथा हासपोसा सामुदायीक बन समुहका अध्यक्ष महेन्द्र गीरीले बिरुवा जोगाउने काममा सक्दो सहयोग गर्ने बताउनु भएको छ ।
रोटरी क्लब इटहरीले क्लब स्थापनाको २५ बर्ष प्रबेसको अबसरमा बृक्षारोपण लगायतका कामहरु गरि रहेको छ । यसअघि तालतलैया क्षेत्रमा पनि क्लबले बृक्षारोपण गरि सकेको छ ।
