म्याग्दी २६ साउन । मंगलबार (आज) बिहान २ः४५ बजेको समयमा म्याग्दीको सदरमुकाम बेनी बजारमा भीषण आगलागी भएको छ । आगलागीबाट दुईवटा पसल पूर्णरुपमा नष्ट भएका छन बेनीबजारको न्यूरोडमा अवस्थित दुई पसलमा आगलागी भएको थियो । उक्त आगलागीमा मानवीय क्षति नभएपनि लाखौंको धन सम्पत्ति जलेर नष्ट भएको छ ।
नयन स्टोर्स र रघुगंगा डेरी रहेको जस्तापाताले छाएको एकतले घरमा रहेका दुईवटा पसलमा आगलागी भएको हो ।
अगालागीबाट क्षती भएका दुबै पसल बेनी नगरपालिका ८ स्थित न्यूरोडमा रहेको घर स्थानीय सुनचाँदी व्यवसायी जीवनबहादुर विश्वकर्माको हो । सोही घरका दुईवटा सटरमा रघुगंगा डेरी र नयन स्टोर्सले भाडा तिरेर पसल संचालन गरेका थिए । आगलागीबाट दुवै पसलमा क्षति पुगेको छ । डेरी पसलबाट आगोलागी सल्केकोएर जोडिएको नयन स्टोर्समा पुगेको थियो ।
आगलागी भएको केही बेरमा नै प्रहरीले दमकलको साहयतामा आगलागी नियन्त्रणमा लिएको भएपनि लाखौं बराबरको क्षती भएको छ । अहिले आगलागी नियन्त्रणमा आएको प्रहरीले जनाएको छ ।
नयन स्टोर्सका प्रोपाइटर जगननाथ शर्मा भन्नुहुन्छ आगलागीबाट लाखौँ मूल्यको सामान जलेर नष्ट भएको छ । आगलागी हुँदा ग्यास शिलिण्डर पड्किएर ठूलो आवाज आएको थियो ।
डेरी पसलमाबाट सुरुभएको आगलागी नेपाल प्रहरी, शसस्त्र प्रहरी र नेपाली सेनाको टोली स्थानीयको सहयोगमा आगलागी नियन्त्रणमा लिइएको छ । आगलागीको एकीन कारण भने खुल्न नसकेको प्रहरीले जनाएको छ । पसलभित्रको बिजुलीको तार सट भएर आगलागी भएको हुनसक्ने अनुमान प्रहरु ितथा स्थानीय बासिन्दाले गरिएका छन् ।
