काठमाडौं २७ साउन । नेकपा एमालेका दूई वरिष्ठ नेता बिच भिडन्त भईरहेको बेला अब नेता माधवकुमार र अध्यक्ष केपी ओली लगभग अब एउटै पार्टीमा रहने सम्भवाना समाप्त भएको छ । नेपाल पक्षको सहमति र सहभागिता बेगर अध्यक्षलाई शक्तिशाली बनाउने गरी विधान संशोधन प्रस्ताव पारित भएसँगै अध्यक्ष केपी ओली नेपाल सँग भड्कीएका हुन् ।
संस्थापन पक्षलाई चुनौती दिँदै नेपाल पक्षले देशैभरी समानान्तर गतिविधि सञ्चालनको अभियानमा थाल्ने बताएसँगै कुनै चमत्कारविना अध्यक्ष केपी शर्मा ओली र वरिष्ठ नेता नेपाल एकै पार्टीमा रहने सम्भावना लगभग समाप्त भएको स्पष्ट देखिन्छ ।
ओली र नेपाल पक्षबीच यता की उत्ताको लडाइँले कुनै गन्तव्य अहिले सम्म नलिएकोले यि दुबै पार्टी मुस्किल भएसँगै पार्टी विभाजन नजिक पुगेको अड्कल लगाउन थालिएको छ ।
महाधिवेशन गर्न तम्सिएको अध्यक्ष ओली पक्षलाई कडा टक्कर दिँदै नेपाल पक्ष वडा तहदेखि केन्द्रसम्म पार्टीगत गतिविधिलाई समानान्तर रुपमा अगाडि बढाउने अठोटमा पुगेको छ । अब ओली र नेपाल पक्ष एकले अर्कोलाई सुन्ने सुनाउने अवस्थाबाट टाढा बनिसकेका छन् ।
दुई तिहाईको बहुमतको बाहिरिएर एमाले किचलोपूर्ण प्रतिपक्षी भूमिकामा एमाले पुगेको छ । आफ्नै घर भित्रकै यो दल घरझगडा शान्त पार्न असफल बनेको छ । यो स्थिति आउनुको जस अपजस कस्ले लिने भन्नेमा दुवै पक्ष चोर औला ठड्याउनमै व्यस्त देखिन्छन् ।
अध्यक्ष ओली सरकारमा रहाँदा असंवैधानिक कदम चालेको भनेर आलोचित ओली त एकातिर हुनुहुन्छ नै, नेता नेपाललाई पनि एमाले सरकार गिराउन मतियार बनेको धब्बा लागेको छ । एकले अर्कोलाई आरोप प्रत्यारेप लगाउनमा नै ब्यास्त रहेका छन् । एकले अर्कोलाई नसुन्ने र आ–आफ्नो सुरतालमा हिड्ने नेपाल र ओलीको नाटकीय परिवर्तन नआएसम्म एमाले जुट्ने सम्भावना निकै निकै कम देखिएको छ ।
पुरानो दल एमाले फुटे पछि केहोला भन्ने टिप्पणी हुन थाले पछि । वृद्धअवस्थामा पुगेका दुई नेताको आफ्नो आफ्नो जिद्दीपनको सिकारमा एमालेको अस्थित्वनै समाप्तहुने अबस्थामा आएको छ ।
