काठमाडौं २ भदौ । अफगानिस्तानबाट उद्धार गरीएका थप ९० जना नेपाली आज विहान कतार हुँदै नेपाल आइपुग्ने भएका छन् ।
कतार एयरवेजको विमानबाट आज विहान ९ बजे थप ९० जना नेपाली आउने नेपाल नागरिक उड्ययन प्राधिकरणका प्रवक्ता राजकुमार क्षेत्रीले जानकारी दिए । अफगानिस्तानबाट कुवेत पुगेका केहि नेपालीहरुको पसिआर परिक्षण हुन नसकेकाले उनिहरु कुवेतमै रोकिएको क्षेत्रीले जानकारी गराए ।
हिजो १२७ जना नेपाली नागरिक स्वदेश फर्किएका छन् । मंगलबार बिहान जजिरा एयरलाइन्सले पनि १ सय १८ जना नेपाली नागरिक र ९ जना भारतीयलाई ल्याएको थियो । उनिहरु राष्ट्रहरुसँगको निरन्तर प्रयास र समन्वयका आधारमा काठमाडौँ आइपुगेका परराष्ट्र मन्त्रालयले जनाएको छ ।
नेपाल आइपुगेकालाई सबैलाई सरकारले होल्डिङ सेन्टरमा स्वास्थ्य मापदण्डअनुसार कोरोना परीक्षणलगायत प्रक्रिया पूरा गरी आवश्यक व्यवस्थापन गराउनको लागि राखिएको छ ।
अफगानिस्तानबाट उद्धारको पखाईमा रहेका नेपालीलाई परराष्ट्र मन्त्रालयले उद्धार नहुँदासम्म जो जहाँ रहेपनि तोकिएको सम्पर्क नम्बरमा सम्पर्कमा रहन तथा एक आपसमा त्यहाँ रहेका नेपालबीच उपलब्ध माध्यमबाट सूचना आदानप्रदान गर्न अनुरोध गरेको छ ।
