काठमाडौं ४ भदौं । नेकपा एमालेका वरिष्ठ नेता माधव कुमार नेपला र जसपाका नेता महन्थ ठाकुरले दर्ता गर्न प्रस्ताव गरेको नेकपा एमाले समाजवादी र जनता समाजवादी पार्टी लोकतान्त्रिक नामको दल दर्ता नहुने भएको छ ।
नेकपा एमालेमा वरिष्ठ नेता माधव नेपाल र अध्यक्ष केपी ओली बिच विवाद बढेपछि नेता नेपाल पार्टी विभाजन मा पुगेका थिए । नेपालले बुधबार नेकपा एमाले समाजवादी नाम राख्न निर्वाचनमा प्रस्ताव दिएका थिए ।
यता अध्यक्ष महन्थ ठाकुरले पनि उपेन्द्र यादवसँगको विवाद बढेसँगै जसपा लोकतान्त्रिकको नाममा दल दर्ता गराउन गरेको प्रस्ताव पनि उक्त प्रस्तावलाई आयोग असफल पारिदिएको थियो ।
दुबै नेताले दल दर्ता गरिपाउँ भन्दै बुधबार निर्वाचन आयोगमा निवेदन दिए पनि आयोगले ती नाममा निर्णय लाई बदरगरेको थियो । उहाँका अनुसार आयोगमा यसअघि नै दर्ता कायम भएका दलसँग जुध्ने गरी वा कोष्ठक भित्र अर्को पुच्छर झुण्ड्याएर पनि नयाँ दल दर्ता गर्न नपाइने आदेश सर्वोच्च अदालतबाट भएकाले एमाले समाजवादी र जसपा लोकतान्त्रिकको नाममा दल दर्ता हुन नसक्ने भएको जानकारी दिनु भयो ।
सरकारले ल्याएको नयाँ अध्यादेशअनुसारको नियमावली अथवा पुच्छर नझुण्ड्याको नाम लिएर आउन तथा नियमावलीमा माग भएबमोजिमको अनुसूची विवरण पेश गर्न भनिएको छ ।
दृई दलले जतिचाँडो अनुसूची विवरण भरेर आयोगमा पेश गर्नेछन् त्यति नै छिटो दल दर्ता प्रक्रिया अघि बढ्ने आयोग जानकारी गराएको छ । ४५ दिनभित्र निवेदनको टुंग्गा आइपुग्नु पर्ने छ ।
