दमक । एनआईसी एसिया बैंकले समयमा किस्ता रकम नबुझाएको भन्दै एक ऋणीको घरमा सुरक्षा गार्ड पठाएको छ ।
झापाको दमक नगरपालिका–५ का दुर्गाप्रसाद कँडेलको घरमा तीन दिनदेखि बैंकले सुरक्षा गार्ड पठाएको हो । हाल कडेँलको घरमा दैनिक ९ बजेदेखि साँझ ५ बजेसम्म घरको दैलोमा सुरक्षागार्ड राख्ने गरेको हो ।
आफूले व्यावसायमा समस्या आएकोले तीन महिना अगाडिदेखि बैंकमा साँवा ब्याज हाल्न नपाएको घरधनी कँडेलले जानकारी दिए । बैंकले तोकेको समयमा किस्ता दिन नसक्दा बैंकले घरमै सुरक्षा गार्ड पठाएको उनको भनाइ छ ।
बैंकमा आफ्नो एक करोड रुपैयाँ ऋण लिएकोमा अब साँवा ब्याज गरेर ९७ लाख रुपैयाँ तिर्न बाँकी रहेको कँडेलले बताए ।