इटहरी । केही दिन यता बढेको अत्यधिक गर्मीका कारण कोसी प्रदेशमा जनजीवन प्रभावित बनेको छ भने सबै पालिकाहरूले सामुदायिक बिद्यालयहरूलाइ एक साता बिदा दिइएको छ । कोसी प्रदेशमा रहेका १४ जिल्लामा सबै पालिकाहरूले आ –आफ्नो क्षेत्रमा सञ्चालन भएका सामुदायिक बिद्यालयहरूलाइ एक साता बिदा दिइएको हो ।
अधिकांश पालिकाहरूले तिन दिन विद्यालय बन्द गर्न अनुरोध गरे पनि केहिले भने एक साता बन्द गर्न अनुरोध गरेका हुन । सुनसरीको इनरुवा नगरपालिकाले मातहतमा रहेका सबै बिद्यालयहरूलाइ एक साता बिदा दिइएको हो । त्यस्तै इटहरी उपमहानगरपालिकाले तिन दिन विद्यालय बिदा दिएको छ ।पालिकाहरूले गर्मीका कारण बालबालिकामा विभिन्न किसिमको समस्या हुनबाट जोगाउन वर्षे बिदाबाट कट्टा हुने गरी बिदा दिइएको बत्ताइएको छ ।
प्रतिकूल मौसमका कारण अत्यधिक गर्मीले पठनपाठनमा असहज स्थिति आएकाले जेठ १८ र १९ गते बिदा दिने निर्णय गरिएको इटहरी उपमहानगर शिक्षा महाशाखा प्रमुख सूर्यप्रसाद सुवेदीले जानकारी दिए । अहिले सञ्चालन भइरहेका परीक्षामा कुनै असर नपर्ने गरी बिहीबार र शुक्रवार विद्यालयको पठनपाठन बन्द गर्न उपमहानगरले सबै विद्यालयलाई आग्रह गरेको सुवेदीले बताए । केही दिनयता पूर्वी तराईमा अत्यधिक गर्मी बढेपछि जनजीवन प्रभावित बनेको छ ।
