काठमाडौं । सामान्य खटपट भए पनि अहिले सरकार परिवर्तनको सम्भावना नरहेको नेपाली कांग्रेसका नेता डा शशाङ्क कोइरालाले बताएका छन् ।
पत्रकारहरूसँग कुराकानी गर्दै काेइरालाले सरकारको स्थायित्व आवश्यक रहेको उल्लेख गरेका छन् ।
नेपालमा धेरै कुराको सम्भावना रहने जनाउँदै उनले अब कांग्रेस एक्लै हिँड्नुपर्ने यदि कसैसँग मिल्नु छ भने अहिले मिलीराखेको बताएका छन् । सच्चा कांग्रेस एक भएर लाग्नुपर्ने समय आएको उनको भनाइ थियो ।
पछिल्लो समय नयाँ शक्ति उदाउनुमा नेतृत्वको कमजोरी रहेको उनको आरोप छ । अब नेतृत्व सच्चिँदै युवा पुस्तालाई अघि बढाउनुपर्ने उनले बताए । विचार राम्रो भए पनि कार्यशैलीमा परिवर्तन भए पार्टी एक्लै अघि बढ्न सक्ने उनको तर्क थियो ।
