विराटनगर । नेपाली कांग्रेसको १४ औं महाधिवेसन अन्तर्गत तल्लो तहका अधिवेसनको नतिजा धमाधम आउन थालेसँगै कांग्रेसको प्रदेश नम्बर १ को प्रथम प्रदेश अधिवेसनको तयारी तीव्र पारिएको छ । महाधिवेसनको सन्दर्भमा विराटनगरमा अयोजित पत्रकार सम्मेलनमा अधिवेशन आयोजक प्रचार समितिका संयोजक राजिव कोइरालाले अधिवेशन बारेमा जानकारी दिँदै १६ गते विराटनगरमा हुने एक प्रेस विज्ञप्ति मार्फत जानकारी दिएका हुन् ।
नेपाली कांग्रेसका केन्द्रीय सदस्य एवंम् नेपाली कांग्रेस प्रदेश १ अधिवेशन आयोजक समितिका संयोजक कृष्णप्रसाद सिटौलाको अध्यक्षतामा बसेको बैठकले गरेका निर्णयहरू सार्वजनिक गर्दै कोइरालाले नेपाली कांग्रेस प्रदेश नम्बर १ को प्रथम अधिवेशन विराटनगर महानगरपालिका २ शकरपुरमा रहेको विराट नर्सिङ होमपुर्बको खाली जमिनमा उद्घाटन हुने र प्रदेश कार्य समितिको निर्वाचनका सम्पूर्ण कार्यक्रम विराटनगर ९ जहदा रोडमा रहेको सिद्धि पार्टी प्यालेसमा हुने बताए । प्रथम अधिवेशनको उद्घाटन केन्द्रीय सदस्य एवम् आयोजक समितिका संयोजक कृष्णाप्रसाद सिटौलाले गर्ने जानकारी दिए ।
१७ सय जनाको उपस्थिति रहने प्रदेश अधिवेशनमा आवास लगायत सम्पूर्ण व्यवस्थापनको जिम्मा नेपाली कांग्रेस मोरङ जिल्ला समितिले गर्ने बताए । अधिवेशन सम्पन्न गर्न नेपाली कांग्रेस मोरङका सभापति डिगबहादुर लिम्बू सयोजक र भीम पराजुली सह–सयोजकका साथै केन्द्रीय सदस्यहरू अमृत अर्याल, पवन सारडा र आमन्त्रित केन्द्रीय सदस्य हसन अन्सारी सल्लाहकार रहेको अर्थ संकलन समिति गठन भएको छ ।
अधिवेशन गर्न प्रथम अधिवेशनको प्रचारका लागि नेपाली कांग्रेस प्रदेश संसदीय दलका नेता राजिव कोइराला संयोजक, नेपाल प्रेस युनियनका प्रदेश संयोजक लिला बल्लभ घिमिरे सदस्य सचिव रहेको प्रचार समिति गठन भएको छ । समितिको सदस्यमा प्रेस युनियनका प्रदेश १ का सचिव धनबहादुर पुरी, युनियन मोरङका अध्यक्ष भोजराज बस्नेत, निर्वतमान अध्यक्ष कुमार लुइँटेल र अजितकुमार झा सदस्य रहेका छन् ।
नेपाली कांग्रेसको प्रथम प्रदेश अधिवेशनमा प्रदेश नम्बर १ का १४ जिल्लाका २८ संघीय निर्वाचन क्षेत्रका क्षेत्रीय अध्यक्ष, संघीय महाधिवेशन प्रतिनिधिसहित २५ जनाका दरले ७ सय जना महाधिवेशन प्रतिनिधि, ५६ प्रदेश निर्वाचन क्षेत्रबाट १७ जनाका दरले प्रदेश क्षेत्रका क्षेत्रीय अध्यक्षसहितका प्रदेश अधिवेशन प्रतिनिधि गरी जम्मा ९५२ जना र यस प्रदेशका १९ जना कांग्रेसका केन्द्रीय सदस्यहरूका भ्रातृ संस्था र शुभेच्छुक संस्थाबाट समेत प्रतिनिधित्व हुने गरी प्रदेश अधिवेशनका लागि मतदाता रहने नेपाली कांग्रेसले जनाएको छ ।
प्रेस विज्ञप्ती
नेपाली कांग्रेस प्रदेश नम्बर १ को प्रथम प्रदेश अधिवेशनका सन्दर्भमा आज नेपाली कांग्रेसका केन्द्रीय सदस्य एवं नेपाली कांग्रेस प्रदेश नम्बर १ अधिवेशन आयोजक समितिका संयोजक कृष्ण प्रसाद सिटौलाको अध्यक्षतामा बसेको बैठकले गरेका निर्णयहरु सार्वजनिक गर्न आयोजना गरिएको पत्रकार सम्मेलन ।
१. नेपाली कांग्रेस प्रदेश नम्बर १ को प्रथम अधिवेशन विराटनगर महानगरपालिका वडा नम्बर २ शंकरपुर (विराट नर्सिङ होम) को पूर्वतर्फ रहेको खाली जमिनमा उद्घाटन हुने छ ।
२. अधिवेशनको उद्घाटन मिति २०७८ साल मंसिर १६ गते बिहीवार बिहान ९ बजे हुनेछ । प्रदेश कार्य समितिको निर्वाचनका सम्पूर्ण कार्यक्रम विराटनगर ९ जहदा रोडमा रहेको सिद्धि पार्टी प्यालेसमा हुने छन् ।
३. प्रथम अधिवेशनको उद्घाटन केन्द्रीय सदस्य एवंम आयोजक समितिका संयोजक कृष्ण प्रसाद सिटौंलाले गर्नु हुनेछ ।
४. अधिवेशन सम्पन्न गर्नका लागि आवास लगायत सम्पूण व्यवस्थापनको जिम्मा नेपाली कांग्रेस मोरड जिल्ला समितिको रहने छ ।
५. अधिवेशन सम्पन्न गर्न नेपाली कांग्रेस मोरडका सभापति डिगबहादुर लिम्बू संयोजक र भीम पराजुली सह–संयोजकका साथै केन्द्रीय सदस्यहरु अमृत अर्याल, पवन सारडा र आमन्त्रित केन्द्रीय सदस्य हसन अन्सारी सल्लाहकार रहेको अर्थ संकलन समिति गठन भएको छ ।
६. प्रथम अधिवेशनको प्रचारका लागि नेपाली कांग्रेस प्रदेश संसदीय दलका नेता राजिव कोइराला संयोजक, नेपाल प्रेस युनियनका प्रदेश संयोजक लिला वल्लभ घिमिरे सदस्य सचिव रहेको प्रचार समिति गठन भएको छ । समितिको सदस्यमा प्रेस युनियनका प्रदेश १ का सचिव धनबहादुर पुरी, युनियन मोरङका अध्यक्ष भोजराज बस्नेत, निर्वतमान अध्यक्ष कुमार लुइँटेल र अजित झा सदस्य रहनु भएको छ ।
७. नेपाली कांग्रेसको प्रथम प्रदेश अधिवेशनमा प्रदेश नम्बर १ का १४ जिल्लाका २८ संघीय निर्वाचन क्षेत्रका क्षेत्रीय अ ध्यक्ष र संघीय महाधिवेशन प्रतिनिधिसहित २५ जनाका दारले ७ सयजना महाधिवेशन प्रतिनिधि, ५६ प्रदेश निर्वाचन क्षेत्रबाट १७ जनाका दरले प्रदेश क्षेत्रका क्षेत्रीय अध्यक्षसहितका प्रदेश अधिवेशन प्रतिनिधि गरी जम्मा ९५२ जना र यस प्रदेशका १९ जना कांग्रेसका केन्द्रीय सदस्यहरुका साथै भातृ संस्था र सुभेच्छुक संस्थाबाट समेत प्रतिनिधित्व हुने गरी प्रदेश अधिवेशनका लागि मतदाता रहने छन् ।
८. नेपाली कांग्रेस केन्द्रीय समितिले प्रदेश अधिवेशन सम्पन्न गर्न केन्द्रीय सदस्य कृष्णप्रसाद सिटौला संयोजक रहेको आयोजक समिति गठन गरेको छ । समितिका सदस्यहरु : सम्बन्धित प्रदेशभित्रका केन्द्रीय सदस्यहरु, जिल्ला सभापतिहरु, प्रदेश सभा संसदीय दलका नेता र प्रदेश सभा सदस्यहरु, जिल्ला समन्वय समितिका प्रमुख र उपप्रमुख, नगरपालिकाका प्रमुख र उपप्रमुख, गाउँपालिकाका अध्यक्ष र उपाध्यक्ष । आयोजक समितिको संयोजकको अध्यक्षतामा प्रदेश अधिवेशन उद्घाटन समारोह हुनेछ ।
मा. राजिव कोइराला
संयोजक नेपाली कांग्रेस प्रदेश १ प्रथम अधिवेशन प्रचार समिति
